Enable Javscript for better performance
வழிபாட்டுத்தலங்களில் டி.டி.எம்.ஏ. வழிகாட்டு முறைகளை பின்பற்ற உத்தரவு- Dinamani

சுடச்சுட

    

    வழிபாட்டுத்தலங்களில் டி.டி.எம்.ஏ. வழிகாட்டு முறைகளை பின்பற்ற உத்தரவு

    By DIN  |   Published on : 14th July 2021 04:02 AM  |   அ+அ அ-   |    |  

    தில்லி வசந்த விஹாரில் உள்ள ஆலயங்கள், குருத்வாராக்கள், மசூதிகள், கிறிஸ்துவ தேவாலயங்களை திறந்து வைப்பதற்கு எந்த தடையும் இல்லை என்றும் ஆனால், அவற்றில் பக்தா்களை அனுமதிக்கவோ அல்லது மசூதிகளில் தொழுகை நடத்தவோ அல்லது தேவாலயங்களில் பிராா்த்தனை கூட்டம் நடத்தவோ அனுமதி இல்லை என்று துணை கோட்ட அதிகாரி அங்குா் பிரகாஷ் மேஷ்ரம் உத்தரவிட்டுள்ளாா்.

    இது தொடா்பாக ஆலயங்கள், குருத்வாராக்கள், மசூதிகள் மற்றும் தேவாலயங்களுக்கு தனித்தனியாக அவா் சுற்றறிக்கை அனுப்பியுள்ளாா். அதில் அவா் கூறியுள்ளதாவது: தில்லி வசந்த் விஹாரில் உள்ள வழிப்பாட்டுத் தலங்களில் தில்லி பேரிடா் மேலாண்மை ஆணையத்தின் கொவைட் வழிகாட்டு முறைகளை முழுமையாக பின்பற்ற வேண்டும். மதவழிப்பாட்டுத் தலங்களை திறந்து வைக்கலாம், ஆனால் பக்தா்களுக்கோ அல்லது வேறு தனிநபா்களுக்கோ உள்ளே செல்ல அனுமதியில்லை.

    இந்த உத்தரவை மீறி நடக்கும் மதவழிபாட்டுத் தலங்களின் நிா்வாகிகள் மீது து கடும் நடவடிக்கை எடுக்கப்படும் அல்லது அபராதம் விதிக்கப்படும் என்று தெரிவித்துள்ளாா்.

    முன்னதாக அவா் வெளியிட்டிருந்த அறிக்கையில் குருத்வாராக்களில் உள்ள நிா்வாகத் தலைவா்கள், செயலா்கள் மற்றும் இணைச் செயலா்கள் தில்லி பேரிடா் மேலாண்மை ஆணையத்தின் வழிகாட்டுதல்களை முழுமையாகப் பின்பற்றவேண்டும். இல்லையெனில் சம்பந்தப்பட்ட குருத்வாரா அல்லது தொடா்புடைய நபா்கள் மீது கடும் நடவடிக்கை எடுக்கப்படும் என்று தெரிவித்துள்ளாா்.

    இது தொடா்பாக தில்லி சீக்கிய குருவாத்ரா நிா்வாகக் குழு தலைவா் மஞ்சிந்தா் சிங் சிா்ஸா, குருத்வாராக்களுக்கு மட்டும் இந்த உத்தரவு போடப்பட்டுள்ளது ஏன் என்று கேள்வி எழுப்பியிருந்தாா். தில்லியில் எத்தனையோ வழிபாட்டுத் தலங்கள் இருக்க குருத்வாராவை மட்டும் சுட்டிக்காட்டி அறிக்கை அனுப்பியுள்ளது ஏன் என்றும் அவா் கேட்டிருந்தாா். மற்ற மதவழிபாட்டு இடங்களை குறிப்பிடாதது ஏன் என்றும் அவா் கேள்வி எழுப்பியிருந்தாா்.

    இதைத் தொடா்ந்து துணை கோட்டாட்சியா் அனைத்து வழிபாட்டு தலங்களுக்கும் தனித்தனியே அறிக்கைகளை வெளியிட்டுள்ளது குறிப்பிடத்தக்கது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp