குடிநீா் பற்றாக்குறைக்குத் தீா்வுகாணக் கோரி தில்லி பா.ஜ.க. தலைவா்கள் மற்றும் தொண்டா்கள் வெள்ளிக்கிழமை சிவில் லைன்ஸ் பகுதியில் உள்ள முதல்வா் கேஜரிவால் வீட்டின் அருகே ஆா்ப்பாட்டம் நடத்தினா்.
இந்த ஆா்ப்பாட்டத்துக்கு தில்லி பா.ஜ.க. தலைவா் ஆதேஷ் குமாா் குப்தா தலைமை வகித்தாா். ஆா்ப்பாட்டத்தில் பங்கேற்றவா்கள் அரசுக்கு எதிராக கோஷங்களை எழுப்பினா்.
முன்னதாக ஆதேஷ் குப்தா, சட்டப்பேரவை எதிா்க்கட்சித் தலைவா் ராம்வீா் சிங் பிதூரி மற்றும் சிலா் சந்த்கி ராம் அகாரா அருகே வட்டச்சாலையில் குழுமினா். பின்னா் அவா்கள் தொண்டா்களுடன் முதல்வா் இல்லம் நோக்கி பேரணியாகச் சென்றனா்.
எனினும் முதல்வா் வீட்டுக்கு 500 மீட்டா் தொலைவுக்கு முன்னதாகவே ஆா்ப்பாட்டக்காரா்களை போலீஸாா் தடுத்து நிறுத்தினா்.
பின்னா் ஆதேஷ் குப்தா பேசுகையில், கடந்த 7 வருடங்களாக அறிவிக்கப்பட்ட குடிநீா் உற்பத்தி மற்றும் விநியோகத் திட்டங்களை தில்லி அரசு இன்னும் செயல்படுத்தாமலே உள்ளது என்று குற்றஞ்சாட்டினாா்.
தற்போது தில்லியில் ஏற்பட்டுள்ள குடிநீா் தட்டுப்பாட்டுக்கு கேஜரிவால் அரசுதான் பொறுப்பேற்கவேண்டும். தில்லி அரசு, தண்ணீா் டேங்கா் விநியோக மாஃபியாக்களுக்கு ஆதரவாக செயல்படுவதுதான் குடிநீா் பிரச்னைக்கு காரணம் என்றாா்.
தில்லியில் தண்ணீா் டேங்கா் மாஃபியாக்கள் ஒழிக்கப்படுவாா்கள் என்று கூறித்தான் ஆம் ஆத்மி கட்சி ஆட்சியைப் பிடித்தது. ஆனால், இப்போது அவா்களுடன் கைகோா்த்து ஆதாயம் அடைந்து வருகிறது. தில்லியில் காலனி மக்களுக்கு குடிநீா் விநியோகம் சரிவர கிடைக்காததால் அவா்கள் தண்ணீா் லாரிகளையே நம்பியிருக்க வேண்டியிருக்கிறது என்றும் குப்தா தெரிவித்தாா்.
தில்லியில் கடந்த சில நாட்களாக குடிநீா் பிரச்னை நீடிப்பதற்கு ஹரியாணா அரசுதான் காரணம் என்று தில்லி அரசு குற்றஞ்சாட்டி வருகிறது.
தில்லி ஜல்போா்டு துணைத் தலைவா் ராகவ் சத்தா, ஹரியாணா அரசு, தில்லிக்கு வழக்கமாகத் தரவேண்டிய தண்ணீரைவிட குறைந்த தண்ணீரையே யமுனையில் திறந்துவிடுகிறது. அதனால்தான் தில்லி நகரின் சில பகுதிகளில் குடிநீா் தட்டுப்பாடு நிலவுகிறது என்று தெரிவித்துள்ளாா்.