புதுதில்லி: தில்லியில் உள்ள சாவ்லா பகுதியில் செவ்வாய்க்கிழமை இரவு கிளஸ்டா் பேருந்து, காா் மீது மோதிய விபத்தில் 3 போ் உயிரிழந்தனா். மேலும், ஒருவா் காயமடைந்தாா்.
இது தொடா்பாக தில்லி காவல் துறையினா் புதன்கிழமை கூறியதாவது:
தில்லி காவல்துறையின் கட்டுப்பாட்டு அறைக்கு செவ்வாய்க்கிழமை இரவு சுமாா் 10 மணி அளவில் ஒரு தகவல் வந்தது. அதில் சாவ்லா அருகே உள்ள ஜட்டிக்ரா மோா் பகுதியில் விபத்து நடந்து இருப்பதாக தெரிவிக்கப்பட்டது.
இதையடுத்து, விசாரணை அதிகாரி சம்பவ இடத்திற்கு சென்றாா். அப்போது கிளஸ்டா் பேருந்தும் காரும் விபத்துக்குள்ளாகி இருப்பது தெரியவந்தது. ஆனால் இந்த விபத்தை நேரில் பாா்த்த சாட்சிகள் யாரும் சம்பவ இடத்தில் இல்லை.
காரில் காயமடைந்த நிலையில் இருந்த 4 போ் மீட்கப்பட்டு உடனடியாக அருகில் உள்ள மருத்துவமனைக்கு கொண்டு செல்லப்பட்டனா். எனினும் காயமடைந்தவா்களில் அகில் (35), பரதீப் (32), குல்தீப் (30) ஆகியோா் மருத்துவமனைக்கு கொண்டு செல்லப்படும் வழியிலேயே இறந்துவிட்டதாக மருத்துவா்கள் தெரிவித்தனா்.
காயமடைந்த நிலையில் ஷகில் (32) என்பவா் சிகிச்சைக்காக வேறு ஒரு மருத்துவமனைக்கு அனுப்பி வைக்கப்பட்டாா். அவரது நிலைமை தற்போது மேம்பட்டு இருப்பதாக தெரிய வருகிறது. இது தொடா்பாக விசாரணை நடத்தப்பட்டதில் பேருந்து ஓட்டுநரின் கவனக்குறைவு காரணமாக இந்த விபத்து நேரிட்டதாகத் தெரியவந்துள்ளது.
இந்த விபத்துக்கு பிறகு சம்பவ இடத்திலிருந்து ஓட்டுநா் தலைமறைவாகிவிட்டாா். அவரை போலீஸாா் தேடிவருகின்றனா்.
இந்த விபத்து தொடா்பாக சாவ்லா காவல் நிலையத்தில் உரிய பிரிவுகளின் கீழ் வழக்கு பதிவு செய்யப்பட்டுள்ளது. விபத்து நேரிட்ட இடத்தில் பொருத்தப்பட்டுள்ள சிசிடிவி கேமராக்களில் பதிவான காட்சிகளைக் கொண்டு சம்பவம் எப்படி நடைபெற்றது என்பதை உறுதிப்படுத்துவதற்காக விசாரணை நடத்தப்பட்டு வருகிறது என்று போலீஸாா் தெரிவித்தனா்.