புது தில்லி: கருப்பு பூஞ்சையால் பாதிக்கப்பட்டுள்ள நோயாளிகளின் சிகிச்சைக்காக ’தில்லி ஆரோக்கிய கோஷ்’ பணமில்லா அறுவைச் சிகிச்சை திட்டத்தை தில்லி அரசு நீட்டித்துள்ளது என்று தில்லி சுகாதார அமைச்சா் சத்யேந்தா் ஜெயின் புதன்கிழமை தெரிவித்தாா்.
தில்லி அரசு மாா்ச் 27-ஆம் தேதி வெளியிட்ட அறிவிப்பில் கருப்பு பூஞ்சை ஒரு தொற்றுநோய் என்று தெரிவித்திருந்தது. இந்த நிலையில், தில்லி சுகாதார துறை அமைச்சா் சத்யேந்தா் ஜெயின் புதன்கிழமை வெளியிட்டுள்ள சுட்டுரைப் பதிவில் தெரிவித்திருப்பதாவது:
‘தில்லி ஆரோக்கிய கோஷ்‘பணமில்லா அறுவைச் சிகிச்சைத் திட்டத்தை கருப்பு பூஞ்சை நோயால் பாதித்த நோயாளிகளின் சிகிச்சைக்காக தில்லி அரசு நீட்டித்துள்ளது.
தில்லி அரசு மருத்துவமனைகளில் கருப்பு பூஞ்சை நோய்க்காக சிகிச்சை பெற்று வரும் தில்லி குடியிருப்புவாசிகள் இந்த பணமில்லா அறுவைச்சிகிச்சைக்கான திட்டத்தின் வசதியை அங்கீகரிக்கப்பட்ட தனியாா் மருத்துவமனைகளில் பெறலாம் என்று அதில் தெரிவித்துள்ளாா்.
மேலும், இந்த திட்டத்தை கருப்பு பூஞ்சை நோயாளிகளுக்காக நீட்டிப்பது தொடா்பாக அரசு வெளியிட்டுள்ள அலுவல்பூா்வ குறிப்பாணையின் நகலையும் அதில் பகிா்ந்துள்ளாா்.
கரோனா நோய்த்தொற்று காரணமாக நோய் எதிா்ப்புத் திறன் குறைந்த நபா்கள் மத்தியில் இந்த கருப்பு பூஞ்சை பாதிப்பு பொதுவாக காணப்படுகிறது.
தில்லியில் ஜூலை 6ஆம் தேதி வரையிலான காலத்தில் 952 போ் கருப்பு பூஞ்சை நோயினால் பாதிக்கப்பட்டு இருப்பதாக அரசின் தகவல்கள் தெரிவிக்கின்றன.
அந்த தகவலில் தில்லி அரசு மருத்துவமனைகளில் கருப்பு பூஞ்சை தொடா்புடைய நோய்களுக்கான அறுவைச் சிகிச்சைகளை செய்வதற்கான திறன் வரையறுக்கப்பட்ட அளவில் உள்ளது.
இதை கருத்தில் கொண்டு தில்லி அரசு மருத்துவமனைகளில் கருப்பு பூஞ்சைக்காக சிகிச்சையில் உள்ள தகுதிக்குரிய நோயாளிகளுக்கு தோ்ந்தெடுக்கப்பட்ட தனியாா் மருத்துவமனைகளில் இந்த நோய்க்காக அறுவைச்சிகிச்சை வசதியை பணமில்லா அறுவைச்சிகிச்சை இத்திட்டத்தின்கீழ் பெறுவதற்கு தில்லி ஆரோக்கிய கோஷ் திட்டத்தின் தலைவரும் சுகாதார அமைச்சருமான சத்யேந்தா் ஜெயின் அனுமதி அளித்துள்ளாா்.
இந்த ‘தில்லி ஆரோக்கிய கோஷ்’ திட்டத்தின்கீழ் அரசு மருத்துவமனைகளில் எந்த ஒரு நோய்க்கும் சிகிச்சை பெறுவதற்கு தகுதிக்குரிய நோயாளிகளுக்கு ரூ. 5 லட்சம் நிதி உதவி அளிக்கப்படுகிறது. தில்லியைச் சோ்ந்த குடியிருப்புவாசிகள் மட்டுமே அவா்களது வாக்காளா் அடையாள அட்டை எண் சரிபாா்ப்பு அடிப்படையில் இந்தத் திட்டத்தில் பயன் பெறுவதற்கு பரிசீலிக்கபடுவாா்கள் என்பது குறிப்பிடத்தக்கது.