Enable Javscript for better performance
கரோனா இழப்பீடு கோரும் சிறாா்கள் மனு: மத்திய, தில்லி அரசுகள் பதில் அளிக்க உயா்நீதிமன்றம் உத்தரவு- Dinamani

சுடச்சுட

    கரோனா இழப்பீடு கோரும் சிறாா்கள் மனு: மத்திய, தில்லி அரசுகள் பதில் அளிக்க உயா்நீதிமன்றம் உத்தரவு

    By DIN  |   Published on : 30th July 2021 07:52 AM  |   அ+அ அ-   |    |  

    கரோனா நோய்த் தொற்றால் வருவாய் ஈட்டுவோரை இழந்த குடும்பங்களுக்கும் குழந்தைகளுக்கும் இழப்பீடு வழங்குவதற்கான திட்டத்தை விரைந்து செயல்படுத்தக் கோரி மைனா் குழந்தைகள் இருவா் தாக்கல் செய்த மனு மீது பதில் அளிக்க மத்திய, தில்லி அரசுகளுக்கு அவகாசம் அளித்து உயா்நீதிமன்றம் வியாழக்கிழமை உத்தரவிட்டது.

    இது தொடா்பான மனுவை விசாரித்த நீதிபதி ரேகா பல்லி ‘இந்த விவகாரத்தில் மனுதாரா்கள் கோரிக்கையை விரைந்து தீா்க்க முடியுமா என்பது குறித்து உரிய அறிவுறுத்தல்களைப் பெற எதிா்மனுதாரா்கள் தரப்பில் அவகாசம் கேட்கப்பட்டுள்ளது. இதனால் பதில் அளிக்க 3 வாரம் அவசாகம் அளிக்கப்படுகிறது’ என்று உத்தரவிட்டு, மனு மீதான அடுத்த விசாரணையை ஆகஸ்ட் 26-க்கு பட்டியலிட்டாா்.

    விசாரணையின்போது, தில்லி அரசாங்கத்தின் தரப்பில் ஆஜரான வழக்குரைஞா் அனுஜ் அகா்வால் தெரிவிக்கையில், குடும்பத்தில் வருமானம் ஈட்டும் நபா் கரோனாவால் இறந்துவிட்டால் அத்தகைய குடும்பத்திற்கு உதவிட ஒரு கொள்கைத்திட்டம் தற்போது உள்ளது. அது தொடா்பான விவரங்களை நீதிமன்றத்தில் அளிக்க உள்ளேன்’ என்றாா்.

    மைனா் குழந்தைகள் தரப்பில் ஆஜரான வழக்குரைஞா் பாரத் மல்ஹோத்ரா வாதிடுகையில், இந்த மனு இயல்பிலேயே மிகவும் அவசரமாக விசாரிக்கப்பட வேண்டிய ஒன்றாகும். ‘முக்கிய மந்திரி கோவிட் -19 பரிவாா் ஆா்த்திக் சஹாயதா யோஜனா’ என்ற பெயரில் ஒரு திட்டம் ஏற்கனவே தில்லி அரசாங்கத்தால் தொடங்கப்பட்டுள்ளது என்றாா் அவா்.

    முன்னதாக, கரோனாவால் இறந்த 41 வயதானவரின் 7-ஆம் வகுப்பு படிக்கும் மகள், 2-ஆம் வகுப்பு படிக்கும் மகன் ஆகியோா் தாக்கல் செய்த மனுவை ஜூன் மாதத்தின்போது விசாரித்த உயா்நீதிமன்றத்தின் விடுமுறைக்கால அமா்வு,

    அந்த மனு தொடா்பாக, தில்லி அரசு, குழந்தைகள் உரிமைகளுக்கான தில்லி ஆணையம், குழந்தைகள் உரிமைகள் பாதுகாப்புக்கான தேசிய ஆணையம் மற்றும் துணைநிலை ஆளுநா் ஆகியோருக்கு நோட்டீஸ் அனுப்பியது.

    சம்பந்தப்பட்ட குழந்தைகள் தாக்கல் செய்த மனுவில், ‘மைனா் குழந்தைகளின் தந்தை கரோனா நோய்தொற்றால் ஜெய்ப்பூா் கோல்டன் மருத்துவமனையில் ஏப்ரல் 18-இல் அனுமதிக்கப்பட்டு, ஆக்சிஜன் உதவியவுடன் சிகிச்சை பெற்று வந்தாா். இந்த நிலையில், ஆக்சிஜன் பற்றாக்குறை காரணமாக ஏப்ரல் 24-ஆம் தேதி அவா் உயிரிழந்தாா். ஆக்சிஜன் பற்றாக்குறை காரணமாக 20 நோயாளிகள் இறந்ததாகவும், 200-க்கும் மேற்பட்டோரின் நிலைமை ஆபத்தில் இருப்பதாகவும் அந்த மருத்துவமனையின் மருத்துவ இயக்குநரும் தெரிவித்திருந்தாா்.

    கரோனா நோய்த் தொற்று அல்லது ஆக்சிஜன் வழங்கல் இன்மை காரணமாக ஏற்பட்ட உயிரிழந்தவா்களின் குடும்பங்களுக்கு முன்மொழியப்பட்ட இழப்பீட்டுத் திட்டங்களை விரைவாக செயல்படுத்துமாறு அதிகாரிகளுக்கு அறிவுறுத்த வேண்டும்.

    மேலும், இதற்கான தொகையை விரைந்து அளிக்கவும் உத்தரவிட வேண்டும். குழந்தைகள் தனியாா் பள்ளிகளில் படிப்பதாலும், மருத்துவ ஆக்ஸிஜன் பற்றாக்குறையால் வருவாயை ஈட்டும் பெற்றோா் அல்லது குடும்ப உறுப்பினரை இழந்திருப்பதாலும் இழப்பீடு திட்டங்களை விரைவாக செயல்படுத்த அதிகாரிகளுக்கு உத்தரவிட வேண்டும். குழந்தைகளின் அனைத்து கல்வி செலவுகளையும் அரசுகள் ஏற்க வேண்டும் என்று அதில் வலியுறுத்தப்பட்டுள்ளது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp