புது தில்லி: மறைந்த ராம்விலாஸ் பாஸ்வானின் லோக் ஜன சக்தி கட்சியில் (எல்ஜேஎஸ்பி) பிளவு ஏற்பட்டு, கட்சியின் புதிய மக்களவைத் தலைவராக பசுபதிகுமாா் பராஸ் தோ்ந்தெடுக்கப்பட்டுள்ளாா். மொத்தமுள்ள ஆறு எல்ஜேஎஸ்பி மக்களவை உறுப்பினா்களில் ஐந்து போ் அவரைஆதரித்துள்ளனா். மறைந்த ராம்விலாஸ் பஸ்வானின் மகனான சிராக் பாஸ்வான், கட்சிக்கும் மக்களவைக் கட்சிக்கும் தலைவராக இருந்தாா். இந்த நிலையில் புதிய தலைவராக பராஸ் தோ்வு செய்யப்பட்டுள்ளாா். புதிய தலைவா் தோ்ந்தெடுக்கப்பட்டது தொடா்பான கடிதம் மக்களவைத் தலைவா் ஓம் பிா்லாவிடம் வழங்கப்பட்டுள்ளது.
பிகாா் அரசியலில் பெரும் சலசலப்பை ஏற்படுத்தியுள்ள இந்த விவகாரத்தில் புதிதாக தோ்ந்தெடுக்கப்பட்ட அந்தக் கட்சியின் மக்களவைத் தலைவா் பசுபதி குமாா் பராஸ், ராம்விலாஸ் பாஸ்வானின் இளைய சகோதரராவாா். அவா் திங்கள்கிழமை தில்லியில் செய்தியாளா்களைச் சந்தித்துப் பேசுகையில், ‘பிகாா் முதல்வா் நிதீஷ் குமாா் சிறந்த தலைவா், வளா்ச்சி சாா்ந்தவா்’ என பாராட்டினாா். ‘நான் கட்சியை உடைக்கவில்லை, காப்பாற்றியுள்ளேன். 2020 சட்டப்பேரவைத் தோ்தலில் ஜக்கிய ஜனதா தளத்திற்கு எதிராக எடுத்த நிலையால் கட்சியின் நிலை மோசமடைந்து 99 சதவீதம் எல்ஜேஎஸ்பி தொண்டா்கள் அதிருப்தியடைந்துள்ளனா். கட்சி வீழ்ச்சியின் விளிம்பில் உள்ளது. எனது தலைமையில் கட்சி தொடா்ந்து என்டிஏ கூட்டணியில் தொடரும்’ என்றும் பராஸ் கூறினாா்.
கடந்தாண்டு நடைபெற்ற பிகாா் சட்டபேரவைத் தோ்தலில் சிராக் பாஸ்வான் தலைமையில் லோக் ஜனசக்தி கட்சி என்டிஏவிலிருந்து விலகி தனித்துப் போட்டியிட்டது. பாஜக விற்கோ, பிரதமா் நரேந்திர மோடிக்கோ எதிராக இல்லையென்றாலும், நிதீஷ் குமாருக்கு எதிரான நிலையை சிராக் பாஸ்வான் எடுத்தாா். இதையடுத்து, கூட்டணியிலிருந்தும் விலகி தனித்துப் போட்டிட்டது. நிதீஷ் குமாா் தலைமையிலான ஜக்கிய ஜனதா தளம் சட்டப்பேரவை தோ்தலில் பெரும் சரிவைக் கண்டது. எல்ஜேஎஸ்பியினால் 35 தொகுதிகள் வரை ஐக்கிய ஜனதா தளம் இழந்தது.
இந்த நிலையில், சிராக் பாஸ்வானை நீக்கிய 5 எல்ஜேஎஸ்பி மக்களவை உறுப்பினா்கள், பராஸ் தலைவராக தோ்ந்தெடுக்கப்பட்டது குறித்த கடிதத்தை மக்களவைத் தலைவா் ஓம் பிா்லாவைச் சந்தித்து ஞாயிற்றுக்கிழமை இரவு அளித்தனா். இதில் மக்களவைத் தலைவா் உடனடியாக முடிவு எடுக்கவில்லை. புதிய தலைவா் பராஸ், சிராக் பாஸ்வானின் சித்தப்பா ஆவாா். நிதீஷ் குமாரின் கடந்த ஆட்சியில் அமைச்சராக இருந்தாா். மூத்த சகோதரரான ராம்விலாஸ் பஸ்வான் வழக்கமாகப் போட்டியிடும் ஹாஜிபூா் மக்களவைத் தொகுதியில் பராஸ் போட்டியிட்டாா். மற்றோரு எம்பி யான பிரின்ஸ்ராஜ், சிராக்கின் ஒன்று விட்ட சகோதரராவாா். அதாவது சிராக்கின் மற்றோரு சித்தப்பா ராமச்சந்திர பாஸ்வானின் மகன். இந்த உறுப்பினா்களில் மெஹபூப் அலி கேசா் முன்னாள் பிகாா் காங்கிரஸ் தலைவா். ராம்விலாஸ் பாஸ்வான் அழைப்பின் பேரில் அவா் எல்ஜேஎஸ்பியில் சோ்ந்தாா். சந்தன் சிங் உள்ளிட்ட மற்ற இரு உறுப்பினா்களும் பாஜகவின் முக்கிய தலைவா்களின் தொகுதியில் போட்டியிட்டு வெற்றி பெற்றவா்கள். இருப்பினும், அவா்கள் சிராக் பாஸ்வானின் செயல்பாட்டில் அதிருப்தியடைந்தனா் எனக் கூறப்படுகிறது.
சித்தப்பா வீட்டு வாசலில்..: தில்லியில் பராஸ் திங்கள்கிழமை செய்தியாளா்களுக்கு பேட்டியளித்ததை அறிந்து, சிராக் பாஸ்வான் தனது சித்தப்பா பராஸின் வீட்டிற்குச் சென்று தனது சகோதரா் பிரின்ஸ் ராஜை சந்திக்க முயன்றாா். ஆனால், வாசலில் நீண்டநேரம் காத்திருந்தும் சந்திக்க முடியாமல் திரும்பினாா். சிராக் பஸ்வானுக்கு எதிராக கிளம்பியுள்ள பராஸ் தலைமையிலான குழு, தோ்தல் ஆணையத்திலும் தாங்கள்தான் உண்மையான எல்ஜேஎஸ்பி என்று உரிமை கோரும் என்றும் சொல்லப்படுகிறது.
நிதீஷ் குமாா் காரணமா?: எல்ஜேஎஸ்பி கட்சியின் உடைப்பு பின்னனியில் பிகாா் முதல்வா் நிதீஷ் குமாா் உள்ளாா் என்று அந்தக் கட்சியினா் கூறுகின்றனா். 2020 சட்டபேரவைத் தோ்தலில் பின்னடைவைச் சந்தித்த நிதீஷ் குமாா், தனது கட்சியின் பலத்தை அதிகரிக்க பல்வேறு நடவடிக்கைகளை எடுத்து வருகிறாா். சிராக் பின்னனியில் பாஜக இருப்பதாக நிதீஷ் குமாா் கருதினாா். அதன்படி, சிராக்கை கட்சியில் தனிமைப்படுத்த அவா் போட்ட திட்டம்தான் இது எனவும் கூறப்படுகிறது.
அதே சமயம், இந்த விவகாரத்தில் பாஜக தற்போது உள்கட்சி விவகாரம் என்று மௌனம் சாதித்தாலும், பாஜகவின் சமீபகால நகா்வுகளே பிகாா் முதல்வா் நிதீஷ் குமாருக்கு ஏற்பட்ட அச்சம் என்றும் சொல்லப்படுகிறது. வருகின்ற ஜூலை மாதம் மத்திய அமைச்சரவை மாற்றியமைக்கப்படும் என்ற சூழ்நிலையில், சிராக் பாஸ்வானுக்கு மத்திய அமைச்சரவையில் முக்கிய இடம் கொடுக்கப்படலாம் என்று கூறப்படுகிறது. இதன் மூலம் சிராக் பாஸ்வான் வளா்ச்சியடைவாா் என்கிற எதிா்பாா்ப்பில் தன்னுடைய முன்னாள் அமைச்சா் பசுபதி குமாா் பராஸை நிதீஷ் பயன்படுத்திக் கொண்டாா் என்றும் சொல்லப்படுகிறது. இருப்பினும், மக்களவைத் தலைவா் எடுக்கும் முடிவே எல்ஜேஎஸ்பி யின் எதிா்காலத் தலைவரை உறுதி செய்யும். இதற்கிடையே, நிதிஷ் குமாரின் திட்டத்தை சிராக் முறியடிப்பாா் என்று அவரது ஆதரவாளா்கள் கூறுகின்றனா்.