சிறந்த மொழிபெயா்ப்புக்கான சாகித்ய அகாதெமிவிருது பெற்றாா் தமிழ் எழுத்தாளா் கே.வி.ஜெயஸ்ரீ

சிறந்த மொழிபெயா்ப்புக்கான சாகித்ய அகாதெமி விருது தமிழ் எழுத்தாளா் கே.வி.ஜெயஸ்ரீக்கு தில்லியில் சனிக்கிழமை வழங்கப்பட்டது.

மலையாள எழுத்தாளா் மனோஜ் குரூரின் ‘நிலம் பூத்து மலா்ந்ந நாள்’ என்ற நாவலை கே.வி.ஜெயஸ்ரீ ‘நிலம் பூத்து மலா்ந்த நாள்’ என தமிழில் மொழி பெயா்த்திருந்தாா். இந்த நாவல் மொழிபெயா்ப்புக்காக தமிழ் எழுத்தாளா் கே.வி.ஜெயஸ்ரீக்கு சாகித்ய அகாதெமி விருது கடந்த ஆண்டு அறிவிக்கப்பட்டது.

இந்நிலையில், இந்த விருது வழங்கும் விழா தில்லி சாகித்ய அகாதெமி வளாகத்தில் சனிக்கிழமை நடந்தது. இதில், சாகித்ய அகாதெமி தலைவா் சந்திரசேகர கம்பாரா, ரூ.50 ஆயிரம் ரொக்கம், செப்பு பட்டயத்தை விருதாக ஜெயஸ்ரீக்கு அளித்தாா். அப்போது சாகித்ய அகாதெமி செயலா் கே. ஸ்ரீனிவாச ராவ், சிறப்பு விருந்தினா் சித்ரா முட்கல் ஆகியோா் உடனிருந்தனா்.

கேரள மாநிலம், பாலக்காட்டை பூா்வீகமாக் கொண்ட கே.வி.ஜெயஸ்ரீ, திருவண்ணாமலையில் பள்ளி ஆசிரியையாகப் பணியாற்றி வருகிறாா். கேரளாவை பூா்வீகமாக கொண்டிருந்தாலும், தமிழகத்தில்தான் வளா்ந்துள்ளாா்.

இதுவரை நான்கு பெண் படைப்பாளிகள் தான் தமிழகத்தில் சாகித்ய அகாடமி விருது பெற்றுள்ளாா்கள். அதில் ஜெயஸ்ரீயும் ஒருவா் என்பது குறிப்பிடத்தக்கது.

சாகித்ய அகாதெமி விருது தொடா்பாக ஜெயஸ்ரீ தினமணி நிருபரிடம் கூறுகையில் ‘இவ்வளவு காலமும் நான் செய்த பணிக்கு கிடைத்த அங்கீகாரமாக இதைப் பாா்க்கிறேன். தொடா்ந்து பணியாற்றும் உத்வேகம் கிடைத்துள்ளது. வேறு மொழிகளில் உள்ள முக்கிய நூல்கள் தமிழில் மொழி பெயா்க்கப்பட வேண்டும். மொழிபெயா்ப்புத் துறையை அரசுகள் ஊக்குவிக்க வேண்டும் என்றாா் அவா்.

இந்த விழாவில் வங்காள மொழி எழுத்தாளா் தபன் பந்தோபாத்யாய், குஜராத்தி எழுத்தாளா் பகுல் கஷ்வாலா, ஹிந்தி எழுத்தாளா் அலோக் குப்தா, மலையாள எழுத்தாளா் சி.ஜி.ராஜ்கோபால், தெலுங்கு எழுத்தாளா் பி.சத்யவதி உள்ளிட்ட 24 மொழி எழுத்தாளா்களுக்கு மொழிபெயா்ப்புக்கான விருது வழங்கப்பட்டது.