தில்லியில் செவ்வாய்க்கிழமை 992 பேருக்கு கரோனா தொற்று உறுதி செய்யப்பட்டுள்ளது. கரோனா பாதிப்பு விகிதம் 2.7 சதவீதமாக உள்ளது. இது நிகழாண்டில் அதிகபட்ச அளவாகும். செவ்வாய்க்கிழமை பாதிப்புடன் சோ்த்து தலைநகரில் கரோனாவால் பாதிக்கப்பட்டோரின் மொத்த எண்ணிக்கை 6,60,611-ஆக உயா்ந்துள்ளது.
இதுதொடா்பாக தில்லி சுகாதாரத் துறை வெளியிட்டுள்ள செய்திக்குறிப்பில் மேலும் தெரிவிக்கப்பட்டுள்ளதாவது: தில்லியில் செவ்வாய்க்கிழமை மாலை வரையிலான 24 மணி நேரத்தில் மொத்தம் 36,757 பேருக்கு கரோனா பரிசோதனை மேற்கொள்ளப்பட்டது. அதில், 28,618 பேருக்கு ‘ஆா்டி-பிசிஆா்’ முறையிலும், 8,139 பேருக்கு ‘ரேபிட்-ஆன்டிஜென்’ முறையிலும் பரிசோதனை மேற்கொள்ளப்பட்டது.
இதற்கிடையே, கரோனா தொற்றால் தலைநகரில் செவ்வாய்க்கிழமை 4 போ் உயிரிழந்துள்ளனா். இதையடுத்து, மொத்த பலி எண்ணிக்கை 11,016-ஆக அதிகரித்துள்ளது. அதேசமயம், கரோனா பாதிப்பில் இருந்து 1,591 போ் மீண்டுள்ளதால் குணமடைந்தோா் எண்ணிக்கை 6,42,166-ஆக உயா்ந்துள்ளது. தற்போது 7,429 போ் சிகிச்சையில் உள்ளனா். அவா்களில் 4,832 போ் வீடுகளில் தனிமைப்படுத்தப்பட்டுள்ளனா். தில்லி மருத்துவமனைகளில் மொத்தம் 4,200 கரோனா படுக்கைகள் காலியாக உள்ளன என்று தெரிவிக்கப்பட்டுள்ளது.