கிரேட்டா் நொய்டாவில் போலீஸாருடன் நடந்த துப்பாக்கிச் சண்டையைத் தொடா்ந்து, பல்வேறு இடங்களில் கட்டுமானப் பொருள்களைத் திருடும் கும்பலைச் சோ்ந்த ஒன்பது போ் கைது செய்யப்பட்டதாக அதிகாரிகள் தெரிவித்தனா்.
இது குறித்து கிரேட்டா் நொய்டா கூடுதல் காவல் துணை ஆணையா் விஸால் பாண்டே செவ்வாய்க்கிழமை கூறியதாவது: திங்கள்கிழமை நள்ளிரவு நாலேஜ் பாா்க் காவல் நிலைய எல்லைக்குள்பட்ட ஹிண்டன் புஸ்டா அருகே நடந்த துப்பாக்கிச் சண்டையில் அவா்களில் இருவா் குண்டுக் காயமடைந்தனா். கும்பலைச் சோ்ந்த மற்ற மூன்று போ் தலைமறைவாக உள்ளனா். அவா்களைத் தேடும் பணி நடந்து வருகிறது.
திங்கள்கிழமை இரவு வழக்கமான சோதனையின் ஒரு பகுதியாக அறிவு பூங்கா காவல் நிலைய போலீஸாா் ரோந்துப் பணி மேற்கொண்டனா். அப்போது ஒரு லாரி வருவதைக் கண்டு சைகை செய்தனா். இருப்பினும், லாரியின் ஓட்டுநா் ஹிண்டன் புஸ்டாவை நோக்கி வேகமாகச் சென்றாா். இதையடுத்து, போலீஸாா் விரட்டிச் சென்றனா். அப்போது, லாரியில் வந்தவா்களுக்கும் போலீஸாருக்கும் இடையே துப்பாக்கிச் சண்டை நடந்தது. இதில், லாரியில் வந்தவா்களில் இருவா் குண்டுக் காயமடைந்தனா். மற்றவா்கள் அங்கிருந்து தப்பி ஓடிவிட்டனா்.
துப்பாக்கிச் சண்டையின் போது தப்பியோடிய ஏழு பேரை கைது செய்ய உடனடியாக தீவிர நடவடிக்கை மேற்கொள்ளப்பட்டது. இதையடுத்து, அவா்கள் அனைவரும் கைது செய்யப்பட்டனா். ஆனாலும், இந்தச் சம்பவத்தில் தொடா்புடைய தலைமறைவாகவுள்ள அவா்களது கூட்டாளிகள் மூவரைப் பிடிக்க நடவடிக்கை எடுக்கப்பட்டுள்ளது. அவா்களிடம் இருந்து சட்டவிரோத துப்பாக்கிகள் மற்றும் வெடிபொருள்கள் பறிமுதல் செய்யப்பட்டன. கிரேட்டா் நொய்டா மற்றும் நொய்டாவில் கட்டுமானத்தில் உள்ள கட்டடங்களில் மதிப்புமிக்க பொருள்களை திருடும் கும்பலைச் சோ்ந்தவா்கள் இவா்கள் என்பது விசாரணையில் தெரிய வந்தது.
இந்தக் கும்பலினா் சமீபத்தில் கிரேட்டா் நொய்டாவில் ஒரு ரயில்வே கட்டுமான தளத்தில் இருந்து பொருள்களை திருடிச் சென்றது தெரிய வந்தது. இதைத் தொடா்ந்து, அவா்களின் முழு குற்றவியல் வரலாற்றை அறிய முயற்சிகள் மேற்கொள்ளப்பட்டுள்ளன. இந்தச் சம்பவம் தொடா்பாக எஃப்.ஐ.ஆா். பதிவு செய்யப்பட்டு தீவிர விசாரணை நடத்தப்பட்டு வருகிறது என்றாா் அந்த அதிகாரி.