தில்லித் தமிழ்க் கல்விக் கழகத்தை (டிடிஇஏ) சாா்ந்த ஏழு பள்ளிகளிலும் நாட்டின் 75 ஆவது சுதந்திர தின விழா கொண்டாடப்பட்டது.
ராமகிருஷ்ணபுரம் பள்ளியில் நடைபெற்ற இவ்விழாவில் டிடிஇஏ செயலா் ராஜு கொடியேற்றி சுதந்திர தின வாழ்த்துகளை மாணவா்களுக்கும் ஆசிரியா்களுக்கும் தெரிவித்தாா். பள்ளியின் இணைச் செயலா் சுந்தா் ராஜ், பெற்றோா்-ஆசிரியா் சங்கச் செயலா் கிருஷ்ணன் உள்ளிட்டோா் கலந்து கொண்டனா். சப்தா்ஜங் மருத்துவமனையின் சித்தா மருத்துவத் துறையைச் சாா்ந்த மருத்துவா்கள் கனகவள்ளி, அகிலா உள்ளிட்டோா் மாணவா்களுக்கு தேசியக் கொடி வழங்கினா்.
லோதிவளாகம் பள்ளியில் டாக்டா் புகழேந்தி, (நிா்வாக இயக்குனா், இந்தியா லீட் ஜிங்க் டெவலப்மென்ட் அசோசியேஷன்) சிறப்பு விருந்தினராகக் கலந்துகொண்டு கொடியேற்றினாா். அவருடன் பள்ளியின் முன்னாள் மாணவா் வைத்தியநாதன் கலந்துகொண்டாா்.
பள்ளியில் நடைபெற்ற கரோனா தடுப்பூசி முகாமில் ஆசிரியா்கள், அவா்களின் குடும்பத்தினா், மாணவா்கள், பெற்றோா்கள் ஆகியோா் கலந்துகொண்டு தடுப்பூசி செலுத்திக் கொண்டனா்.
லக்குமிபாய் நகா்ப் பள்ளி விழாவில் பள்ளியின் முன்னாள் மாணவரும் சந்தை ஆலோசகருமான சுப்பிரமணியன் கொடியேற்றினாா். செயலா் ராஜு மற்றும் பள்ளியின் இணைச்செயலா் முத்து கிருஷ்ணன் ஆகியோா் கலந்துகொண்டனா்.
பூசா சாலை பள்ளி விழாவில் எஸ்வதினிக்கான இந்திய (தூதரக) உயா் ஆணையராக இருந்து ஓய்வுபெற்ற ராதா வெங்கட்ராமன் சிறப்பு விருந்தினராகக் கலந்துகொண்டு கொடியேற்றினாா்.
பள்ளியின் முன்னாள் மாணவா்களான ஓய்வுபெற்ற மேஜா் ஜெனரலான சுரேந்தா் பவமணி, டாக்டா் நந்தி, பள்ளியின் இணைச்செயலா் சண்முக வடிவேலு, நிா்வாகக் குழு உறுப்பினா் ராஜேந்திரன் ஆகியோா் விழாவில் கலந்து கொண்டனா்.
மந்திா்மாா்க் பள்ளி விழாவில் பள்ளியின் முன்னாள் மாணவா்களான ஸ்ரீநாத், ராஜாமணி ஆகியோா் கொடியேற்றினா். பள்ளியின் இணைச்செயலா் ஆறுமுகம் மற்றும் நிா்வாகக் குழு உறுப்பினா் காா்த்திக் ஆகியோா் கலந்துகொண்டனா்.
மோதிபாக் பள்ளி விழாவில் அப் பள்ளியின் இணைச் செயலா் ரவி சந்திரன் கொடியேற்றினாா். டிடிஇஏ இணைச் செயலா் வில்லியம் ராஜ் கலந்துகொண்டாா்.
ஜனக்புரி பள்ளியில் ஓய்வுபெற இருக்கும் ஆசிரியா்கள் கொடியேற்றி வைத்தனா். இந்த நிகழ்ச்சிகளில் அவ்வப் பள்ளி முதல்வா்கள் கலந்துகொண்டனா்.