Enable Javscript for better performance
தில்லியில் பெண் மருத்துவா் வீட்டில் தற்கொலை: லண்டனில் பணியாற்றியவா்- Dinamani

உடனுக்கு உடன் செய்திகள்

    தில்லியில் பெண் மருத்துவா் வீட்டில் தற்கொலை: லண்டனில் பணியாற்றியவா்

    By DIN  |   Published On : 01st February 2022 07:42 AM  |   Last Updated : 01st February 2022 07:42 AM  |  அ+அ அ-  |  

    லண்டன் மருத்துவமனையில் பணிபுரிந்து வந்த 40 வயது பெண் மருத்துவா், தெற்கு தில்லியின் கிரேட்டா் கைலாஷில் உள்ள அவரது வீட்டில் தற்கொலை செய்து கொண்டதாக போலீஸாா் திங்கள்கிழமை தெரிவித்தனா்.

    இதுகுறித்து தில்லி காவல் துறையின் உயா் அதிகாரி கூறியதாவது:

    தில்லியைச் சோ்ந்த மேகா காயல் (40), கடந்த ஒரு வருடமாக லண்டனில் உள்ள மில்டன் கெய்ன்ஸ் பல்கலைக்கழக மருத்துவமனையில் நரம்பியல் நிபுணராக பணியாற்றி வந்தாா். அதற்கு முன்பு தில்லி சரிதா விகாரில் உள்ள அப்பல்லோ மருத்துவமனையில் மருத்துவா் பணியில் இருந்தாா்.

    இந்த நிலையில், அவா் தற்கொலை செய்துகொண்டதாக ஞாயிற்றுக்கிழமை போலீஸாருக்கு தகவல் வந்தது. இதையடுத்து, அப்பல்லோ மருத்துவமனையில் அவரது தற்கொலை குறித்த மருத்துவ சட்ட விவரத்தை (எம்எல்சி) பெற்ற பிறகு, போலீஸாா் அவரது வீட்டிற்கு நேரில் சென்று காயலின் உறவினரிடம் விசாரணை நடத்தினா்.

    அதில், ‘கடந்த ஜனவரி 27ஆம் தேதி காயலின் தாயாா் உடல்நலக்குறைவால் இறந்தாா். இதையடுத்து, காயல் மன உளைச்சலில் இருந்தாா். அவரது தந்தையும் புற்றுநோய் நோயாளி.

    இந்த நிலையில், சம்பவத்தன்று காலை 7. 40 மணியளவில், காயலின் குடும்பத்தினா் பலமுறை அழைத்தும் அவரதுஅறையின் கதவை திறக்கவில்லை. இதையடுத்து, நகல் சாவியைப் பயன்படுத்தி அவரது அறையை உறவினா் திறந்தாா். அந்த அறைக்குள் காயல் மயங்கிய நிலையில் கிடந்தாா். அவரது தொடையில் சுய காயங்கள் காணப்பட்டன.

    இதையடுத்து, குடும்பத்தினா் அவரை அப்பல்லோ மருத்துவமனைக்கு கொண்டு சென்றனா். அங்கு அவா் இறந்துவிட்டதாக மருத்துவா்கள் அறிவித்தனா்’ என விசாரணையில் தெரியவந்தது.

    வீட்டில் இருந்து தற்கொலைக்கான காரணத்தை தெரிவிக்கும் கடிதமும் மீட்கப்பட்டது. காயலின் இறப்பில் அவரது குடும்ப உறுப்பினா்கள் எந்த சந்தேகமும் எழுப்பவில்லை.

    காயல் தனது தாயின் மரணத்தால் மிகவும் அதிா்ச்சியடைந்து மன அழுத்தத்தில் இருந்ததும் தெரியவந்துள்ளது. இது தொடா்பாக மேல் விசாரணை நடவடிக்கைகள் மேற்கொள்ளப்பட்டு வருகின்றன. பிரேத பரிசோதனைக்குப் பின்னா் காயலின் சடலம் அவரது குடும்பத்தினரிடம் ஒப்படைக்கப்பட்டதாக அந்த அதிகாரி தெரிவித்தாா்.


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp