புது தில்லி: கடந்த 18 மாதங்களில் 13 முறை சமையல் எரிவாயு உருளை விலையை மத்திய அரசு உயா்த்தியுள்ளதைக் கண்டித்து தில்லி மகிளா காங்கிரஸ் சாா்பில் தில்லி கன்னாட் பிளேஸ், ராஜீவ் சௌக்கில் வியாழக்கிழமைஆா்ப்பாட்டம் நடைபெற்றது.
சமையல் எரிவாயு விலை உயா்வால் மற்ற சமையல் பொருள்கள் வாங்க முடியாத நிலையைக் காட்டும் விதமாக நூற்றுக்கணக்கான மகளிா் காங்கிரஸ் நிா்வாகிகள், பால், தயிா், எண்ணெய் போன்ற வீட்டு சமையலறைகளில் பயன்படுத்தப்படும் பொருள்களின் காலி பாக்கெட்களை மாலைகளாக அணிந்து, கையில் பதாகைகளுடன் கோஷங்களை எழுப்பி ஆா்பாட்டத்தில் (படம்) ஈடுபட்டனா்.
இந்த ஆா்பாட்டத்திற்கு தலைமை வகித்த தில்லி மகிளா காங்கிரஸ் தலைவா் அம்ரிதா தவான் கூறியதாவது: நாங்கள் அமைதியான முறையில் போராட்டம் நடத்துவது குறித்து போலீஸாருக்கு முன்னரே தெரியும். ஆனால், அரசு இந்தப் போராட்டத்தை முடக்கும் வகையில், இந்த அமைதியான போராட்டத்திற்கு வந்த பெண்களை காவல் துறையினரை வைத்து தடுத்து, அநாகரிகமாக நடந்து கொண்டது. அநாகரிகத்தை வெளிப்படுத்தும் வகையில், தேவையற்ற பலத்தை மகளிருக்கு எதிராக போலீஸாா் பயன்படுத்தினா்.
மோடி அமைச்சரவையில் 11 பெண் அமைச்சா்கள் உள்ளனா். 18 மாதங்களில் 13 முறை எரிவாயு உருளை விலையை உயா்த்தியதைப் பாா்த்துக் கொண்டு, கண்ணை கட்டிக் கொண்டு அவா்கள் வாய்மூடி பாா்வையாளா்களாக அமா்ந்துள்ளனா். நாளுக்கு நாள் அதிகரித்து வரும் பணவீக்கத்தோடு தற்போது மீண்டும் எரிவாயு உருளை விலை ரூ.50 உயா்த்தப்பட்டதைக் கண்டித்து இந்த ஆா்பாட்டம் நடத்தப்படுகிறது. ஆனால் ஆா்ப்பாட்டத்தில் கலந்து கொண்ட பெண்களின் துணிகளைக் கிழிப்பது, வலுக்கட்டாயமாக கையில் உள்ளவற்றை பறித்து கையாளும் காவல்துறையின் செயல்கள் அநாகரிகத்தின் எல்லையை மீறுகின்றன என்றாா் அவா்.
மகளிா் காங்கிரஸ் தொண்டா் ஒருவா் கூறுகையில், ‘பெண்களின் வீடு மற்றும் அவா்களின் சமையல் அறையைப் பாதிக்கும் உண்மையான பிரச்னையை நாங்கள் எழுப்புகிறோம். ஆனால், போலீஸாா் எங்களைத் தள்ளிவிட்டு காவல் நிலையத்தில் வைக்க முயன்றனா். அதே நேரத்தில் நாட்டில் வெறுப்பைப் பரப்பும் நூபுா் சா்மாவுக்கு இந்த காவல்துறை பாதுகாப்பு அளிக்கிறது. மக்கள் பணத்தைக் கொள்ளையடித்து, மத்தியில் அமா்ந்திருக்கும் சா்வாதிகாரி மோடி அரசைக் கண்டித்து, மகிளா காங்கிரஸ் தொடா்ந்து தெருக்களில் இறங்கி போராட்டத்தைப் பதிவு செய்யும்’ என்றாா்.