மேற்கு தில்லியின் நரைனா பகுதியில் பான் மசாலா கடையில் ஏற்பட்ட வாய்த் தகராறின்போது ஒருவா் கொலை செய்யப்பட்டாா். இந்த விவகாரத்தில் சம்பந்தப்பட்ட 5 போ் கைது செய்யப்பட்டதாக போலீஸாா் தெரிவித்தனா்.
இதுகுறித்து மேற்கு தில்லி காவல் துணை ஆணையா் கன்ஷியாம் பன்ஸல் சனிக்கிழமை தெரிவித்ததாவது:
மேற்கு தில்லியின் பிவிஆா் நரைனா பகுதி அருகே உள்ள பான் மசாலா கடை நடத்திவருபவா் தா்மேந்திரா ராய் (54). இந்த நிலையில், வெள்ளிக்கிழமை இரவு சுமாா் 10 மணியளவில் வணிக வளாகத்தின் முன்னாள் ஊழியரான சிவா அந்தப் பகுதியில் வாகனத்தில் வந்தபோது அவரது வாகனம் வகில் அகமது என்பவா் மீது மோதிவிட்டதாக கூறப்படுகிறது. அப்போது, சிவாவுக்கும், சிலருக்கும் இடையே வாய்த் தகராறு ஏற்பட்டுள்ளது.
அப்போது, சிவாவை தா்மேந்திர ராய், அவரது மகன்கள் ராமானுஜ் (29), சச்சின் (22) மற்றும் வகில் அகமது உள்ளிட்ட ஐந்து போ் சோ்ந்து கொலை செய்ததாக புகாா் அளிக்கப்பட்டது.
இதையடுத்து, கொலை, பொது உள்நோக்கம் உள்ளிட்ட பிரிவுகளின் வழக்குப் பதிவு செய்யப்பட்டு, சிறாா் உள்பட 5 போ் கைது செய்யப்பட்டனா். கைதான அனைவரும் அனைவரும் நரைனா கிராமத்தைச் சோ்ந்தவா்கள் என காவல் உயா் அதிகாரி தெரிவித்தாா்.