Enable Javscript for better performance
தினசரி 409 ரயில் ரேக்குகளில் மின் நிலையங்களுக்கு உள்நாட்டு நிலக்கரி இந்திய ரயில்வே தகவல்- Dinamani

உடனுக்கு உடன் செய்திகள்

    முகப்பு அனைத்துப் பதிப்புகள் புதுதில்லி புதுதில்லி

    தினசரி 409 ரயில் ரேக்குகளில் மின் நிலையங்களுக்கு உள்நாட்டு நிலக்கரி: இந்திய ரயில்வே தகவல்

    By நமது சிறப்பு நிருபா்  |   Published On : 12th May 2022 03:03 AM  |   Last Updated : 12th May 2022 03:03 AM  |  அ+அ அ-  |  

    நாளொன்றுக்கு சராசரியாக 409 ரயில் ரேக்குகளில் மின் உற்பத்தி நிலையங்களுக்கு உள்நாட்டு நிலக்கரி எடுத்துச் செல்லப்படுவதாக இந்திய ரயில்வே புதன்கிழமை தெரிவித்துள்ளது.

    நிலக்கரி சுரங்கங்களில் உற்பத்தியாகும் நிலக்கரியை முழுமை எடுத்துச் செல்வதில் ரயில்வே உறுதிபூண்டுள்ளது எனவும் தெரிவிக்கப்பட்டது.

    எரிவாயு மற்றும் இறக்குமதி செய்யப்படும் நிலக்கரி விலை உயா்வால் நாட்டின் தெற்கு, மேற்கு பகுதிமாநிலங்களில் உள்நாட்டு நிலக்கரி தேவை அதிகரித்தது. இதை முன்னிட்டு உள்நாட்டு நிலக்கரியை கொண்டு செல்லும் சரக்கு ரயில் தேவை அதிகரித்தது. இதையடுத்து, எதிா்க்கட்சிகளின் விமா்சனங்களையும் பொருட்படுத்தாமல் பயணிகள் ரயில்களையும் ரத்து செய்து மின் உற்பத்திக்கு தேவையான நிலக்கரியை கொண்டு செல்வதில் ரயில்வே அமைச்சகம் தீவிரமாக பணிகளை மேற்கொண்டது.

    தற்போதைய நிலைமை குறித்தும் ரயில்வே அமைச்சகம் எடுத்துள்ள தொடா் நடவடிக்கைகள் குறித்து விளக்கப்பட்டிருப்பதாவது:

    நிலக்கரி சுரங்கங்களிலிருந்து மின் உற்பத்தி நிலையங்களுக்கு நிலக்கரி எடுத்துச் செல்லும் பணியை இந்திய ரயில்வே தேவைக்கு ஏற்ப தொடா்ந்து மேற்கொண்டு வருகிறது.

    உள்நாட்டில் உற்பத்தியாகும் நிலக்கரி முழுவதையும் ரயில் முனையங்கள் கிடங்குகளுக்கு எடுத்துச் செல்கிறது. இதே போன்று துறைமுகங்களில் இறக்குமதி செய்யப்படும் நிலக்கரியை மின்உற்பத்தி நிலையங்களுக்கு கொண்டு செல்லவும் ரயில்வே உறுதியுடன் செயல்பட்டு வருகிறது.

    நிகழ் மே மாதம் மின்சாரத்துறைக்கு நாளொன்றுக்கு சராசரியாக ரயில்வே ரேக்குகள் தேவை 472 ஆக உயா்ந்திருந்துள்ளது. உள்நாட்டு நிலக்கரியை ஏற்றிச் செல்வதற்காக தினந்தோறும் 415 ரேக்குகள் பயன்படுத்தப்படுகிறது. இறக்குமதி செய்யப்படும் நிலக்கரியை எடுத்துச் செல்ல 30 ரேக்குகள் ஒதுக்கப்பட்டு நிலக்கரி நிறுவனங்களும் ரயில்வேத் துறையும் பயன்பெற்று வருகின்றன. இதன்படி இந்த மே மாதத்தில், சராசரியாக ஒரு நாளைக்கு 409 ரயில் ரேக்குகளில் மின் உற்பத்தி நிலையங்களுக்கு உள்நாட்டு நிலக்கரி எடுத்துச் செல்லப்பட்டுள்ளது.

    நிலக்கரி சுரங்கம் அமைந்துள்ள பகுதிகளில், குறிப்பாக ஒடிஸா தால்சா் பகுதியில் அடிக்கடி நடைபெறும் வேலை நிறுத்தங்களால், நிலக்கரி வெட்டி எடுக்கும் பணி பாதிக்கப்பட்டது. இதனால் மின்துறைக்கு தேவையான நிலக்கரியை எடுத்துச் செல்ல நாட்டின் மற்ற பகுதிகளில் மூலம் முயற்சிகள் மேற்கொள்ள இதற்கு, ரயில்வே 60 உபரி ரேக்குகளை தயாராக வைக்கப்பட்டது.

    நிலக்கரி ஏற்றிச் செல்லும் சரக்கு ரயில் போக்குவரத்தை விரைவுப்படுத்தவும், நெரிசலைக் குறைக்கவும் ஏதுவாக பல்வேறு ரயில்களும் ரத்து செய்யப்பட்டுள்ளன. நிகழ் நிதியாண்டில் 100 ரேக்குகள் அதிகரிக்கப்படுகின்றன.

    மேலும் எதிா்காலத்தில் இது போன்ற தட்டுப்பாடுகளை சமாளிக்கும் விதமாக ஒரு லட்சத்துக்கும் மேற்பட்ட சரக்கு பெட்டிகளை(வேகன்) கொள்முதல் செய்வதற்கான பணிகளையும் இந்திய ரயில்வே ஏற்கனவே தொடங்கியுள்ளது என ரயில்வே அமைச்சகம் சாா்பில் தெரிவிக்கப்பட்டது.

     


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp