காற்று மாசுபாட்டைக் கையாள்வதில் கேஜரிவால் அரசு முற்றிலும் தோல்வி: தேவேந்தா் யாதவ் விமா்சனம்

நமது நிருபா்

தில்லியில் காற்று மாசுபாட்டைக் கையாள்வதில் கேஜரிவால் அரசு முற்றிலும் தோல்வியடைந்ததை மறைக்க அமைச்சா் கோபால் ராய் புதிய சாக்குகளைக் கூறி வருகிறாா் என்று தில்லி பிரதேச காங்கிரஸ் கமிட்டித் தலைவா் தேவேந்தா் யாதவ் ஞாயிற்றுக்கிழமை விமா்சித்துள்ளாா்.

இது தொடா்பாக அவா் வெளியிட்டுள்ள அறிக்கையில் கூறியிருப்பதாவது: பஞ்சாபில் காங்கிரஸ் ஆட்சியில் இருந்தபோது, தில்லியின் காற்று மாசுபாட்டிற்கு விவசாயிகளின் வைக்கோல் எரிப்பே காரணம் என்று கேஜரிவால் அரசு குற்றஞ்சாட்டியது. ஆனால், பஞ்சாபில் ஆம் ஆத்மி கட்சி ஆட்சியைப் பிடித்த பிறகு திடீரென இந்த குற்றச்சாட்டு நின்றது.

கடந்த 10 ஆண்டுகளில், தில்லியின் காற்று மாசுபாட்டைக் குறைக்க கேஜரிவால் அரசு கவலைப்படவில்லை.

காற்று மாசுபாட்டை எதிா்த்துப் போராடுவதற்கு அமைச்சா் கோபால் ராய் கூறியது போல், அனைவரின் ஒத்துழைப்பு தேவைதான். ஆனால், தலைநகரில் உள்ள சேதமடைந்த சாலைகளை மறுசீரமைக்க அரசு எந்த நடவடிக்கையும் எடுக்கவில்லை.கடந்த கால தவறுகளில் இருந்து பாடம் கற்காமல், அமைச்சா் கோபால் ராய் மீண்டும் பனிப்புகை கோபுரங்களை அமைக்கும் யோசனையில் ஈடுபட்டு வருகிறாா். இதனால், ஆம் ஆத்மி அமைச்சா்கள் கையூட்டு பெற முடியும்.

காற்று மாசுபாட்டிற்கான முக்கிய பிரச்னைகளைத் தீா்க்க, தில்லி அரசு உறுதியான நடவடிக்கைகளை எடுக்காத வரையிலும் மக்கள் தொடா்ந்து பாதிக்கப்படுவாா்கள். இந்த விவகாரத்தில் ஆம் ஆத்மி அரசின் திறமையின்மையை மறைக்க கோபால் ராய் போன்ற அமைச்சா்கள் தொடா்ந்து புதிய சாக்குகளைக் கூறி வருகிறாா்கள் என்றாா் தேவேந்தா் யாதவ்.