வேகத்தைக் குறைக்கச் சொன்ன காவலரை தாக்கி சாலையில் இழுத்துச் சென்ற காா் ஓட்டுநா்!
காரை வேகமாக ஓட்டிச் சென்ற ஓட்டுநா், வேகத்தைக் குறைக்க்க் கூறிய காவலரை தாக்கி சாலையில் இழுத்துச் சென்றதால் உயிரிழந்த சம்பவம் பரப்பரப்பை ஏற்படுத்தியுள்ளது.
இது குறித்து தில்லி காவல் துறை துணை ஆணையா் (வெளிப்புறம்) ஜிம்மி சிராம் கூறியதாவது: இந்தச் சம்பவம் தில்லியின் வெளிப்புறப் பகுதியில் ஞாயிற்றுக்கிழமை நடந்துள்ளது. பொதுமக்களைப் போல மாறுவேடமிட்டு மோட்டாா் சைக்கிளில் வந்த காவலரை காா் ஓட்டுநா் தாக்கி சாலையில் இழுத்துச் சென்றுள்ளாா். இது அவரது மரணத்துக்கு வழிவகுத்துள்ளது.
ஞாயிற்றுக்கிழமை அதிகாலை 2.15 மணியளவில் வீணா என்கிளேவ் அருகே 30 வயதான காவலா் சந்தீப், சிவில் உடையில் கடமை நேரத்தில் நாங்லோய் காவல் நிலையத்திலிருந்து ரயில்வே சாலையை நோக்கிச் சென்று கொண்டிருந்தபோது இந்தச் சம்பவம் நிகழ்ந்துள்ளது.
ஒரு காா் வேகமாகச் செல்வதைக் கவனித்த சந்தீப், அதன் ஓட்டுநரிடம் அவ்வாறு செல்ல வேண்டாம் என்று கூறியுள்ளாா். இதையடுத்து, அந்த காா் ஓட்டுநா் வேகத்தை மேலும் அதிகரித்துள்ளாா். அப்போது, மோட்டாா் சைக்கிளின் பின்பகுதியின் மீது காரை மோதவிட்டு சுமாா் 10 மீட்டா் தூரம் இழுத்துச் சென்றுள்ளாா். அதன் பிறகு காரை நிறுத்தியுள்ளாா்.
சந்தீப் உடனடியாக மீட்கப்பட்டு சோனியா மருத்துவமனைக்கு கொண்டு செல்லப்பட்டாா். பின்னா், பச்சிம் விஹாரில் உள்ள பாலாஜி மருத்துவமனைக்கு மாற்றப்பட்டாா். ஆனால், அங்கு அவா் இறந்துவிட்டதாக மருத்துவா்களால் அறிவிக்கப்பட்டாா்.
சந்தீப் தெருவில் இடதுபுறம் திரும்பியதையும், வாகனத்தின் வேகத்தைக் குறைக்கச் சொன்னதையும் சிசிடிவி காட்சிகள் காட்டுகின்றன. சந்தீப்பின் தலையில் காயங்கள் ஏற்பட்டதால் அவா் மரணம் அடைந்தாா்.
இந்தச் சம்பவம் தொடா்பான விடியோ சமூக வலைதளங்களில் வெளியாகியுள்ளது. காட்சிகளின்படி, மற்றொரு மோட்டாா் சைக்கிளில் இரண்டு போ் காரின் பின்னால் இருப்பதும் அவா்கள் தங்கள் வாகனத்தை நிறுத்திவிட்டு காவலரை சரிபாா்ப்பதும் தெரிகிறது.
இந்தச் சம்பவம் தொா்பாக பாரதிய நியாய சன்ஹிதாவின் (பிஎன்எஸ்) பிரிவு 103 (கொலை) கீழ் வழக்குப் பதிவு செய்யப்பட்டு விசாரணை மேற்கொள்ளப்பட்டுள்ளது.
இந்த விஷயத்தை விசாரிக்கவும், தலைமறைவாக உள்ள இரண்டு குற்றம் சாட்டப்பட்ட நபா்களைப் பிடிக்கவும் பல போலீஸ் குழுக்கள் அமைக்கப்பட்டுள்ளன. சந்தீப்பிற்கு அவரது தாய், மனைவி மற்றும் ஐந்து வயது மகன் உள்ளனா். இதுபோன்ற துயரமான சூழ்நிலையில் குடும்ப உறுப்பினா் ஒருவா் இறந்ததால் தில்லி போலீஸாா் வருத்தமடைந்துள்ளன என்று காவல் துறை துணை ஆணையா் ஜிம்மி சிராம் கூறினாா்.