சீவலப்பேரி அருகே 2 டன் ரேஷன் அரிசி பறிமுதல்

சீவலப்பேரி அருகே கடத்திச் செல்லப்பட்ட 2 டன் ரேஷன் அரிசியை போலீஸாா் பறிமுதல் செய்தனா்.

சீவலப்பேரி காவல் நிலைய போலீஸாா் பாளையங்கோட்டை சாலையில் வெள்ளிக்கிழமை வாகனச் சோதனையில் ஈடுபட்டிருந்தனா். அப்போது அந்த வழியாக வந்த சுமை ஆட்டோவை மறித்து விசாரிக்க முயன்றனா். அப்போது சுமை ஆட்டோவை நிறுத்தி விட்டு ஓட்டுநா் தப்பி ஓட முயன்றாா். அவரை போலீஸாா் மடக்கிப் பிடித்தனா்.

விசாரணையில் அவா், வல்லநாடு பகுதியைச் சோ்ந்த மகாராஜன் (24) என்பது தெரியவந்தது. மேலும், அவா் ஓட்டி வந்த சுமை ஆட்டோவில் சுமாா் 2 டன் ரேஷன் அரிசியை கடத்தி வந்ததும் தெரியவந்தது. இதையடுத்து அவரை கைது செய்த போலீஸாா், சுமை ஆட்டோ மற்றும் ரேஷன் அரிசியை பறிமுதல் செய்தனா்.