முன்னாள் பேரவைத் தலைவா் செல்லப்பாண்டியன் சிலைக்கு காங்கிரலாா் மரியாதை!

முன்னாள் சட்டப்பேரவைத் தலைவா் எஸ். செல்லாபாண்டியனின் 112 ஆவது பிறந்த நாளை முன்னிட்டு, திருநெல்வேலி வண்ணாா்பேட்டையில் உள்ள அவருடைய சிலைக்கு காங்கிரஸ் சாா்பில் மாலை அணிவித்து மரியாதை செலுத்தப்பட்டது.

காங்கிரஸ் கட்சியின் தென்காசி மாவட்ட பொருளாளரும், மாநில பொதுக்குழு உறுப்பினருமான எஸ்.பி. முரளி ராஜா தலைமையில், மாவட்ட பொருளாளா் ந.ராஜேஷ் முருகன், மாநில பொதுக்குழு உறுப்பினா் பரணி இசக்கி, மாநில சேவாதள செயலா் அனிஷ் முன்னிலையில் முன்னாள் மத்திய இணை அமைச்சா் ஆா். தனுஷ்கோடி ஆதித்தன், செல்லப்பாண்டியன் சிலைக்கு மாலை அணிவித்து மரியாதை செலுத்தினாா்.

இதில், முன்னாள் எம்.பி. ராமசுப்பு, செல்லபாண்டியன் அறக்கட்டளை செயலா் மனோகரன், பொதுக்குழு உறுப்பினா்கள் உதயகுமாா், கவிபாண்டியன் உள்ளிட்ட பலா் கலந்து கொண்டனா்.

இதேபோல் திமுக கிழக்கு மாவட்டச் செயலா் இரா. ஆவுடையப்பன், செல்லப்பாண்டியன் சிலைக்கு மாலை அணிவித்து மரியாதை செலுத்தினாா்.