Enable Javscript for better performance
ஜனநாயக மாண்புகளை மதித்து கடைப்பிடிக்கிறது தமிழக அரசு: விஜயகுமார் எம்.பி. அறிக்கை- Dinamani

சுடச்சுட

    

    ஜனநாயக மாண்புகளை மதித்து கடைப்பிடிக்கிறது தமிழக அரசு: விஜயகுமார் எம்.பி. அறிக்கை

    By DIN  |   Published on : 31st March 2018 07:48 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ஜனநாயக மாண்புகளை மதித்து கடைப்பிடித்து வருகிறது தமிழக அரசு என்றார் குமரி மாவட்ட அதிமுக செயலாளரும், மாநிலங்களவை குழுச் செயலாளருமான அ. விஜயகுமார் எம்.பி.
    இதுகுறித்து அவர் வெள்ளிக்கிழமை வெளியிட்ட அறிக்கை: தமிழ்நாட்டில் ஜனநாயக மாண்பை மதித்து வருவது அ.தி.மு.க அரசு. அதிமுக ஆட்சியில் கன்னியாகுமரி மாவட்டம் அமைதி பூங்காவாக திகழ்ந்து வருகிறது. இந்த நிலையில், அரசு அலுவலகத்திற்குள் அத்துமீறி நுழைந்து மாவட்ட கூட்டுறவு சங்கத் தேர்தல் அலுவலருக்கு மிரட்டல் விடுப்பது, தகாத வார்த்தைகளால் பேசி அரசுப் பணிகளைச் செய்யவிடமால் தடுப்பது எந்த வகையில் நியாயம்?
    அரசு அதிகாரிகள் தவறுசெய்தால் நீதிமன்றத்தை நாடி நியாயம் கேட்கலாம். ஆனால், சட்டப்பேரவை உறுப்பினர்கள் சட்டத்தை தாங்களே கையில் எடுப்பது எந்த வகையில் நியாயம்? அரசு அலுவலகத்திற்குள் அனுமதியின்றி நுழைந்து அராஜகம் செய்யும் திமுகவின் ஜனநாயக விரோதப்போக்கை கண்டிக்கிறேன். ஜனநாயக மாண்பை காத்திடும் வகையில், பாதிக்கப்பட்ட அரசு அதிகாரிகளுக்கு சட்ட ரீதியாக முழு பாதுகாப்புக் கொடுப்பதில் அதிமுக அரசு முதன்மையாக திகழும் என்றார்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai