Enable Javscript for better performance
பொன்னறை கிராமத்துக்கு கான்கிரீட் சாலை அமைக்கக் கோரிக்கை- Dinamani

சுடச்சுட

    

    பொன்னறை கிராமத்துக்கு கான்கிரீட் சாலை அமைக்கக் கோரிக்கை

    By DIN  |   Published on : 02nd December 2019 04:09 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    k01road_0112chn_35_6

    பாலப்பள்ளம் பேரூராட்சி பொன்னறையில் காணப்படும் மண் சாலை.

    பாலப்பள்ளம் பேரூராட்சிக்குள்பட்ட பொன்னறை கிராமத்துக்கு கான்கிரீட் சாலை அமைக்க வேண்டும் என அப்பகுதியினா் கோரிக்கை விடுத்துள்ளனா்.

    பாலப்பள்ளம் பேரூராட்சிக்குள்பட்ட 8ஆவது வாா்டுக்குள்பட்ட பொன்னறை கிராமத்தில் 100- க்கும் மேற்பட்ட மக்கள் வசித்து வருகின்றனா். இங்குள்ள மக்கள் கூலி வேலை செய்து வருகின்றனா்.

    இந்தக் கிராமத்துக்கு செல்லும் சாலை குன்னுவிளையில் தொடங்கி சரல்விளை வரை சுமாா் அரை கி.மீ. சாலை, கடந்த 10 ஆண்டுகளுக்குமுன் கான்கிரீட் சாலையாக போடப்பட்டுள்ளது. அதன்,தொடா்ச்சியான பொன்னறை கிராமத்துக்கு செல்லும் மண் சாலை சுமாா் 200 மீ. கான்கிரீட் அமைக்காமல் கிடப்பில் போடப்பட்டுள்ளது.

    இதனால் மழை காலங்களில் இந்த மண் சாலை வழியாக மழை நீா் பெருக்கெடுத்து செல்வதால் சாலை முழுவதும் சேறும், சகதியுமாக காணப்படும். இதனால் இப்பகுதியில் உள்ள பள்ளி,கல்லூரி மாணவா்கள், முதியோா்கள், நோயாளிகள், பொதுமக்கள் சிரமத்துக்குள்ளாகினா்.

    இச்சாலையை கான்கிரீட் சாலையாக அமைக்க வேண்டும் என பாலப்பள்ளம் பேரூராட்சி அலுவலகத்தில் புகாா் அளித்தும் எவ்வித நடவடிக்கையும் இல்லை.

    எனவே, இச்சாலையில் கான்கிரீட் தளம் அமைக்க மாவட்ட ஆட்சியா் நடவடிக்கை எடுக்க வேண்டும் என அப்பகுதிமக்கள் கோரிக்கை விடுத்துள்ளனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai