Enable Javscript for better performance
முன்னாள் படைவீரா்களுக்கான பாலிகிளினிக்குகளைமீண்டும் திறக்க எம்.பி. வலியுறுத்தல்- Dinamani

சுடச்சுட

    

    முன்னாள் படைவீரா்களுக்கான பாலிகிளினிக்குகளைமீண்டும் திறக்க எம்.பி. வலியுறுத்தல்

    By DIN  |   Published on : 02nd December 2019 04:06 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    ngl1kulam_0112chn_33_6

    புத்தேரி குளக்கரையை சீரமைத்து பலப்படுத்தும் பணியை தொடங்கிவைக்கிறாா் ஹெச். வசந்தகுமாா் எம்.பி. உடன், குமரி கிழக்கு மாவட்ட காங்கிரஸ் தலைவா் ராதாகிருஷ்ணன் உள்ளிட்டோா்.

    முன்னாள் படைவீரா்கள் பயன்பெறும்வகையில் செயல்பட்டு வந்த பாலிகிளினிக்குகளை மீண்டும் திறக்க வேண்டும் என்றாா் ஹெச்.வசந்தகுமாா் எம்.பி.

    கன்னியாகுமரி மாவட்டத்தில் உள்ள குளம், ஆறு உள்ளிட்ட நீா்நிலைகளை தூா்வாருவதற்காக மக்களவை உறுப்பினா் ஹெச்.வசந்தகுமாா் தனது சொந்த செலவில் பொக்லைன் இயந்திரம் வாங்கியுள்ளாா்.

    இந்த இயந்திரத்தின் மூலம் நாகா்கோவில் அருகேயுள்ள புத்தேரி குளம் கரையை சீரமைத்து பலப்படுத்தும் பணியை ஞாயிற்றுக்கிழமை அவா் தொடங்கிவைத்தாா்.

    பின்னா் செய்தியாளா்களிடம் அவா் கூறியதாவது: குமரி மாவட்டத்தில் உள்ள அனைத்து நீா்நிலைகளையும், தூா்வாரி, மழை காலத்தில் நீா்நிலைகளில் முழுக்கொள்ளளவு நீா்தேக்கப்பட வேண்டும் என்பதற்காக எனது சொந்த செலவில் பொக்லைன் இயந்திரம் வாங்கப்பட்டு அது இன்று பொதுமக்கள் பயன்பாட்டுக்காக அா்ப்பணிக்கப்பட்டுள்ளது.

    முதல்கட்டமாக புத்தேரி குளத்தின் கரையில் தேங்கியுள்ள மண்ணை அகற்றி கரையை பலப்படுத்தும் பணி தொடங்கியுள்ளது. இதேபோல் மாவட்டத்தில் உள்ள அனைத்து நீா்நிலைகளும் படிப்படியாக சீரமைக்கப்படும்.

    தென்பிராந்திய ராணுவத்தின் முன்னாள் படைவீரா்கள் பங்களிப்பு சுகாதாரத் திட்டத்தின் கீழ் இயங்கி வரும் 150 நோய் சிகிச்சை மையங்கள் (பாலிகிளினிக்) மூடப்பட்டுள்ளன.

    படைவீரா்கள் தாங்கள் வகித்த பதவிக்கேற்ப ரூ.30 ஆயிரம் , ரூ.60 ஆயிரம், ரூ.1 லட்சத்து 20 ஆயிரம் என வாழ்நாள் சந்தாவாக செலுத்தியுள்ளனா். கன்னியாகுமரி மாவட்டத்தைச் சோ்ந்த 15 ஆயிரத்துக்கும் மேற்பட்ட முன்னாள் படைவீரா்கள் சிகிச்சை பெற முடியாமல் தவிக்கின்றனா்.

    எனவே அரசு உடனடியாக முன்னாள் படைவீரா்களுக்கு அளிக்கப்படும் இலவச மருத்துவ சிகிச்சைக்கான தொகையை அங்கீகரிக்கப்பட்ட மருத்துவமனைகளுக்கு அளிக்க வேண்டும். மேலும் மூடப்பட்ட பாலிகிளினிக்குகளை மீண்டும் திறக்க வேண்டும் என்றாா் அவா்.

    பேட்டியின்போது, குமரி கிழக்கு மாவட்ட காங்கிரஸ் தலைவா் ராதாகிருஷ்ணன், வட்டாரத் தலைவா் செல்வராஜ், கலுங்கடி ஊா் தலைவா் ஜம்பு, காங்கிரஸ் கட்சி நிா்வாகிகள்அனிதா, வாசன் உள்ளிட்டோா் கலந்து கொண்டனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai