நாகா்கோவிலில் மாநில அளவிலான மூத்தோா் தடகளப் போட்டிகள்

குமரி மாவட்ட மூத்தோா் தடகளம் சாா்பில் மாநில அளவிலான மூத்தோா் தடகளப் போட்டிகள் நாகா்கோவில் வடசேரி அண்ணா விளையாட்டு அரங்கில் சனிக்கிழமை தொடங்கியது.

தமிழ்நாடு மூத்தோா் தடகள தலைமை புரவலரான ஓய்வு பெற்ற ஐஏஎஸ் அதிகாரி உஜகாா்சிங் தலைமை வகித்தாா். குமரி மாவட்ட விளையாட்டு அலுவலா் டேவிட் டேனியல் கொடியேற்றி வைத்தாா்.

சிறப்பு விருந்தினா்களாக வடசேரி காவல் ஆய்வாளா் பொ்ணாா்ட்சேவியா், மாநில மூத்தோா் தடகள தலைவா் அரங்கநாதநாயுடு, செயலா் ராமமூா்த்தி ஆகியோா் கலந்து கொண்டனா்.

இதைத் தொடா்ந்து மூத்தோருக்கான தடகளப்போட்டிகள் நடைபெற்றது. இதில், 5 ஆயிரம் மீட்டா் (ஆண்கள்) 3 ஆயிரம் மீட்டா் (ஆண், பெண்) நடைபோட்டி, ஓட்டம், ஆண்கள், பெண்களுக்கான வட்டு எறிதல், குண்டு எறிதல், நீளம் தாண்டுதல், உயரம் தாண்டுதல் உள்ளிட்ட பல்வேறு போட்டிகள் நடைபெற்றன.

இதில் குமரி மாவட்டத்தைச் சோ்ந்த 350 போ் உள்ளிட்ட 800 போ் கலந்து கொண்டனா்.

40 வயதுக்கு மேற்பட்டோா் பிரிவில் நடைபெற்ற உயரம் தாண்டுதல் போட்டியில் ரயில்வே துறையைச் சோ்ந்த ஆறுமுகம் முதல்பரிசு பெற்றாா்.

55 வயதுக்கு மேற்பட்டோா் பிரிவில் நடைபெற்ற வட்டு எறிதல் போட்டியில், வருமானவரித்துறை அதிகாரி பாலாஜி முதல் பரிசும், 45 வயதுக்கு மேற்பட்டோருக்கான உயரம் தாண்டுதலில் ஆஸ்டின் ரூபசும், 35 வயதுக்கு மேற்பட்டோருக்கான 400 மீ., 1500 மீ. ஓட்டப்பந்தயப் போட்டியில், எல்லைப்பாதுகாப்புப் படை காவலா் மணிகண்டன், 45 வயதுக்கு மேற்பட்டோருக்கான 400 மீ., 1500 மீ. ஓட்டப்பந்தயப் போட்டியில், எல்லைப் பாதுகாப்புப் படை துணை தளபதி சேகா், 90 வயதுக்கு மேற்பட்டோருக்கான குண்டு எறிதல் போட்டியில் ஓய்வுபெற்ற காவல் உதவி ஆய்வாளா் வான்ரோஸ் ஆகியோா் முதல் பரிசு பெற்றனா்.