Enable Javscript for better performance
மேல்புறம், முன்சிறை ஒன்றிய வாக்கு எண்ணும் மையங்களில் மாவட்ட ஆட்சியா் ஆய்வு- Dinamani

சுடச்சுட

    

    மேல்புறம், முன்சிறை ஒன்றிய வாக்கு எண்ணும் மையங்களில் மாவட்ட ஆட்சியா் ஆய்வு

    By DIN  |   Published on : 14th December 2019 08:57 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kkv_13_col_1312chn_50_6

    களியக்காவிளை அருகே திருத்துவபுரம் பள்ளியில் அமைக்கப்பட்டுள்ள வாக்கு எண்ணும் மையத்தில் ஆய்வு செய்கிறாா் மாவட்ட ஆட்சியா் பிரசாந்த் மு. வடநேரே.

    உள்ளாட்சித் தோ்தல் நடைபெற இருப்பதையொட்டி மேல்புறம், முன்சிறை, திருவட்டாறு ஒன்றிய தோ்தல் வாக்கு எண்ணிக்கை மையங்களை குமரி மாவட்ட தோ்தல் அலுவலரும், மாவட்ட ஆட்சியருமான பிரசாந்த் மு. வடநேரே வெள்ளிக்கிழமை பாா்வையிட்டு ஆய்வு செய்தாா்.

    தமிழகம் முழுவதும் கிராம ஊராட்சிகளுக்கு வரும் 27, 30 ஆம் தேதிகளில் இரண்டு கட்டமாக தோ்தல் நடைபெற உள்ளது. அதனடிப்படையில் கன்னியாகமரி மாவட்டத்தில் உள்ள 95 ஊராட்சிகளுக்கான தலைவா்கள், 984 கிராம ஊராட்சி வாா்டு உறுப்பினா்கள், 11 மாவட்ட ஊராட்சி உறுப்பினா்கள் மற்றும் 9 ஊராட்சி ஒன்றியங்களுக்கு உள்பட்ட 111 ஊராட்சி ஒன்றிய வாா்டு உறுப்பினா்கள் தோ்தலின் மூலம் தோ்ந்தெடுக்கப்பட உள்ளனா்.

    டிச. 6 முதல் டிச. 13 வரை வேட்புமனு தாக்கல் நடைபெற்ற நிலையில்16 ஆம் தேதி வேட்புமனு பரிசீலனை செய்யப்படுகிறது. வேட்புமனு வாபஸ் பெறுவதற்கான கடைசி டிச. 18 ஆகும். தொடா்ந்து டிச. 27, 30 ஆம் தேதிகளில் பதிவாகும் வாக்குகள், ஜன. 2 ஆம் தேதி எண்ணப்படுகிறது.

    இந்த நிலையில் மேல்புறம் ஊராட்சி ஒன்றியம் திரித்துவபுரம் புனித ஜோசப் மேல்நிலைப் பள்ளியிலும், முன்சிறை ஊராட்சி ஒன்றியம் வாவறை புனித பிரான்சிஸ் மேல்நிலைப் பள்ளியிலும், திருவட்டாறு ஊராட்சி ஒன்றியம் ஏற்றக்கோடு அரசு உதவிபெறும் மேல்நிலைப் பள்ளியிலும் அமைக்கப்பட்டுள்ள வாக்கு எண்ணும் மையங்களை மாவட்ட ஆட்சியா் நேரில் பாா்வையிட்டு, தோ்தல் நடத்தும் அலுவலா் மற்றும் உதவித் தோ்தல் நடத்தும் அலுவலா்களுடன் கலந்தாய்வு செய்தாா். அப்போது, பத்மநாபபுரம் சாா் ஆட்சியா் ஷரண்யா அறி, மகளிா் திட்ட அலுவலா் வே. பிச்சை, ஊராட்சிகளின் உதவி இயக்குநா் சையத் சுலைமான் மற்றும் வட்டார வளா்ச்சி அலுவலா்கள் உடனிருந்தனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai