அய்யாவழி மக்கள் ஒருங்கிணைப்புக்குழு நிர்வாகிகள் ஆலோசனைக்குழு கூட்டம் நாகர்கோவிலில் திங்கள்கிழமை நடைபெற்றது.
இக்கூட்டத்துக்கு, ஒருங்கிணைப்பாளர் தங்கமோகன் தலைமை வகித்தார். ரசல்ராஜ், வழக்குரைஞர் ரஜினி, சுந்தர்ராஜ், கோபாலகிருஷ்ணன் ஆகியோர் முன்னிலை வகித்தனர். இக்கூட்டத்தில், 10 ஆம் வகுப்பு பிளஸ் 1 பாடத் திட்டம், கல்லூரி பாடத்திட்டத்தில் அய்யா வைகுண்டசாமி குறித்து தவறுதலாக வந்திருக்கும் பாடத்தை நீக்க வேண்டும்; அனைத்து வகுப்புகளிலும் தமிழ் பாடத்தில் அய்யா வைகுண்டர் அருளிய அகிலத்திரட்டு அம்மானையில் உள்ள வாசகங்களை சேர்க்க வேண்டும்; கோரிக்கையை வலியுறுத்தி புதன்கிழமை (ஜூலை 3) பிற்பகல் 3 மணிக்கு நாகர்கோவிலில் ஆட்சியர் அலுவலகம் முன்பு ஆர்ப்பாட்டம் நடத்துவது என்பன உள்ளிட்ட தீர்மானங்கள் நிறைவேற்றப்பட்டன.