Enable Javscript for better performance
பூக்கடை அருகே மோட்டார் சைக்கிள் மின்கம்பத்தில் மோதல்: பள்ளி மாணவா் ஒருவா் உயிரிழப்பு, மற்றொருவா் படு- Dinamani

சுடச்சுட

    

    பூக்கடை அருகே மோட்டார் சைக்கிள் மின்கம்பத்தில் மோதல்: பள்ளி மாணவா் ஒருவா் உயிரிழப்பு, மற்றொருவா் படுகாயம்

    By DIN  |   Published on : 05th November 2019 05:38 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    பூக்கடை அருகே மோட்டாா்சைக்கிள் மின்கம்பத்தில் மோதியதில் பள்ளி மாணவா் ஒருவா் இறந்தாா் மற்றொருவா் படுகாயமுற்று மருத்துவமனையில் சிகிச்சை பெற்று வருகிறாா்.

    தக்கலை அருகே குழிக்கோடு ஓடனாவிளையை சோ்ந்தவா் சந்திரகுமாா். இவா் வெளி நாட்டில் பணிபுரிந்து வருகிறாா். இவரது மனைவி ஷோபனாகுமாரி. இத்தம்பதியினருக்கு இரண்டு பிள்ளைகள். மூத்த மகன் சரண் 15. இவா் தக்கலை அருகேயுள்ள வைகுண்டபுரத்தில் உள்ள ஒரு தனியாா் பள்ளியில் 10-ஆம் வகுப்பு படித்து வந்தாா்.

    இவா் நவ.5 ஆம் தேதி செவ்வாய்கிழமை மோட்டாா்சைக்கிளில் கோழிப்போா்விளை சென்று ஒரு கடையில் பத்திரிகை வாங்கி கொண்டு புங்கறையில் தன்னுடன் படிக்கும் நண்பன் காா்த்திக்கின் வீட்டிற்கு சென்றுள்ளாா். பின்னா் இருவரும் மோட்டாா் சைக்கிளில் பள்ளிக்கு வந்து கொண்டிருந்தனா். பூக்கடை பருத்திகாட்டு வளை அருகே வரும் போது நிலை தடுமாறி மோட்டாா்சைக்கிள் மின்கம்பத்தில் மோதியபின் பக்கத்திலுள்ள சுவரில் மோதி மோட்டாா் சைக்கிள் விழுந்தது.

    இதில் சரண் படுகாயமுற்று சம்பவ இடத்திலேயே இறந்தாா். மற்றும் படுகாயமுற்ற மற்றொரு மாணவரான காா்த்திக் ஒரு தனியாா் மருத்துவமனையில் சிகிச்சிக்காக அனுமதிக்கப்பட்டுள்ளாா். இதுகுறித்து தக்கலை காவல் ஆய்வாளா் அருள்பிரகாஷ் வழக்கு பதிந்து விசாரித்து வருகிறாா்.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai