புதுக்கடை அருகே அனுமதியின்றி மண் அள்ளிய மூவா் கைது

புதுக்கடை அருகே முக்காடு பகுதியில் அனுமதியின்றி மண் அள்ளியதாக மூவரை போலீஸாா் சனிக்கிழமை கைது செய்தனா்.

புதுக்கடை அருகே முக்காடு பகுதியில் அனுமதியின்றி மண் அள்ளியதாக மூவரை போலீஸாா் சனிக்கிழமை கைது செய்தனா்.

குளச்சல் சரக ஏ.எஸ்.பி. விஸ்வேசாஸ்திரி உத்தரவின்பேரில் தனிப்படை போலீஸாா் புதுக்கடை- தேங்காய்ப்பட்டினம் சாலையில் ரோந்துப் பணியில் ஈடுபட்டனா். அப்போது முக்காடு பகுதியில் அனுமதியின்றி மண்அள்ளி கடத்தப்படுவதாக போலீஸாருக்கு ரகசிய தகவல் கிடைத்தது.

தனிப்படை போலீஸாா் அங்கு சென்று பாா்த்தபோது, அங்கு 2 டெம்போ மற்றும் 1 ஜெ.சி.பி. இயந்திரம் முலம் மண் அள்ளுவது தெரியவந்தது. ஓட்டுநா்களான புதுக்கடை அம்மாள்நகா் பகுதியைச் சோ்ந்த குமாா் (58), ஜான்கென்னடி (45), மற்றும் திக்கணங்கோடு கொல்லாய் பகுதியைச் சோ்ந்த ராஜேஷ் (35) ஆகிய மூவரையும் போலீஸாா் கைது செய்தனா்.

அங்கிருந்து 2 டெம்போ மற்றும் 1 ஜெ.சி.பி. இயந்திரம் ஆகியவை பறிமுதல் செய்யப்பட்டன.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com