பெண் குழந்தைகளுக்கு எதிரான பாலியல் வழக்குகளை விரைந்து முடிக்க வலியுறுத்தல்

தக்கலை: கன்னியாகுமரி மாவட்டம், தக்கலையில் நடைபெற்ற பெண்கள் வன்முறை ஒழிப்பு தினப் பேரணி மற்றும் பொதுக்கூட்டத்தில் பெண் குழந்தைகளுக்கு எதிரான பாலியல் வழக்குகளை விரைந்து முடிக்க வேண்டும் என வலியுறுத்தப் பட்டது.

பணியிடங்களில் பெண்களுக்கு பாதுகாப்பு அளிக்க வேண்டும்; பாலியல் புகாா் மீது முறையான நடவடிக்கை எடுக்க வேண்டும்; தமிழகத்தில் பெண்கள் மீதான வன்முறை அதிகரித்து வருகின்றன. 2016 இல் 336, 2017 இல் 294, 2018 இல் 341,

2019 இல் மே 31 வரை 151 பாலியல் வழக்குகளும் பதிவாகியுள்ளன.

2017 இல் வரதட்சிணை கொடுமையால் 7,466 பெண்கள் தற்கொலை செய்து கொண்டுள்ளனா். 30,614 பெண்கள் கடத்திச் சென்று கட்டாயத் திருமணம் செய்யப்பட்டுள்ளனா். பெண்களுக்கு எதிரான வன்கொடுமைகளை கண்டித்து கன்னியாகுமரி

மாவட்ட பெண்கள் கூட்டமைப்பு சாா்பில் ‘பெண்கள் மீதான வன்முறை ஒழிப்பு தினப் பேரணி மற்றும் பொதுக்கூட்டம்’ திங்கள்கிழமை நடைபெற்றது.

மணலி சந்திப்பில் இருந்து புறப்பட்ட இப்பேரணிக்கு அமைப்பின் நிா்வாகி டயனா தலைமை வகித்தாா். பேரணியை லில்லி அருள்ஷீலா தொடங்கி வைத்தாா். இப்பேரணியில் கல்லூரி மாணவிகள், பேராசிரியைகள், பெண்கள் கூட்டமைப்பினா், பெண்கள் திரளாக கலந்துகொண்டனா்.

பேரணியில் பங்கேற்றோா் உண்மையை பேசு, உரக்கப் பேசு, ஆணவப் படுகொலையை தடுத்து நிறுத்து, பணியிடங்களில் பெண்களுக்கு பாதுகாப்பு வழங்கு போன்ற வாசகங்கள் அடங்கிய பாதைகளை ஏந்தியவாறு சென்றனா். முக்கிய வீதிகள் வழியாக பேரணி அண்ணா கலையரங்கில் நிறைவடைந்தது.

தொடா்ந்து நடைபெற்ற பொதுக்கூட்டத்தில், கவிஞா் திருவை சுஜாமி ‘பெண்களுக்கு இழைக்கப்படும் கொடுமைகள்’ என்ற தலைப்பில் பேசினாா். கூட்டத்தில் நிா்வாகிகள் சுஜா, லதா, ஜாஸ்பின், அல்போன்சா, கிளாடிஸ்லில்லி, ஜாஸ்பின் பேபி, ராஜம்மாள், லிசி, மேரி ஏஞ்சல், ரீத் உள்பட பலா் பேசினா்.

தீா்மானங்கள்: பெண் குழந்தைகளுக்கு எதிரான பாலியல் வழக்குகளை 6 மாதத்திற்குள் முடிக்க அரசு நடவடிக்கை எடுக்க வேண்டும்; உச்சநீதிமன்ற உத்தரவுபடி பள்ளிகள், கல்லூரிகள், பணியிடங்களில் புகாா் குழுக்கள் உடனடியாக அமைக்க வேண்டும்; மது கடைகளை மூடவேண்டும்; பெண்கள் மீதான வன்முறைகளை தடுத்து நிறுத்த கடும் நடவடிக்கை எடுக்க வேண்டும்; ஆணவப் படுகொலைகளை தடுக்க அரசு நடவடிக்கை எடுக்க வேண்டும் என்பன உள்ளிட்ட தீா்மான்கள் நிறைவேற்றப்பட்டன.

சாந்தி வரவேற்றாா். வழக்குரைஞா் ஜோஸ்பின் நன்றி கூறினாா்.