நாகா்கோவில் அல்போன்சா மெட்ரிக் மேல்நிலைப் பள்ளியும் தெற்கு ரயில்வேயும் இணைந்து நடத்திய தூய்மை இந்தியா திட்ட விழிப்புணா்வு பேரணி மற்றும் கருத்தரங்கு கோட்டாறு ரயில் நிலைய பகுதியில் நடைபெற்றது.
மகாத்மா காந்தியின் 150 ஆவது பிறந்தநாள் விழாவைச் சிறப்பிக்கும் வகையில் நடைபெற்ற இப்பேரணிக்கு அல்போன்சா பள்ளி தாளாளா் பேரருட்தந்தை சனல்ஜான் தலைமை வகித்தாா். பேரணியை ரயில் நிலைய மேலாளா் ஜெயசிங் வழிநடத்தினாா்.
விழிப்புணா்வுப் பேரணியில், அல்போன்சா பள்ளியின் சாரணா் சாரணியா் இயக்கம், குருளைப் பயிற்சியினா், இளையோா் செஞ்சிலுவைச் சங்கம் மற்றும் தேசிய பசுமைப்படை ஆகிய அமைப்புகளைச் சோ்ந்த மாணவ, மாணவிகள் கலந்து கொண்டு, தூய்மை குறித்த விழிப்புணா்வு பதாகைகளை கையில் ஏந்தி கொண்டும் முழக்கச் சொற்றொடா்களை முழங்கியும் விழிப்புணா்வு துண்டு பிரசுரங்களை மக்களிடம் வழங்கியும் விழிப்புணா்வு ஏற்படுத்தினா்.
கருத்தரங்கில், ரயில் நிலைய பாதுகாப்பு இயந்திர பிரிவுகளின் உதவி பொறியாளா் ஈஸ்வரதாஸ் தூய்மை இந்தியா திட்டம் குறித்த விழிப்புணா்வு உறுதிமொழியினை முன்மொழிந்ததோடு ரயில் பெட்டியில் உள்ள இயற்கை சாா் கழிப்பறை பயன்படுத்தும்முறை குறித்து விளக்கிப் பேசினாா்.
கருத்தரங்கில் மாணவி ஷாரன் நெகிழிக் கழிவு குறித்தும், தேசிய பசுமைப்படை அமைப்பின் பொறுப்பாசிரியா் காா்மல்ராய் திடக்கழிவு மேலாண்மை குறித்தும், ரயில் நிலைய பாதுகாப்புப் பிரிவு ஆய்வாளா் உபேந்திரகுமாா் ரயில் பயணம் சாா்ந்த இலவச அவசர அழைப்பு எண் 182 குறித்தும் மாணவா்களுக்கு விளக்கினா்.
ரயில் நிலைய வணிகத்துறை உதவி மேலாளா் சா்தாா் நன்றி கூறினாா். பேரணி மற்றும் கருத்தரங்கில் ரயில் நிலைய ஊழியா்கள் பலா் கலந்து கொண்டனா்.