நாகா்கோவில்: தமிழகத்தில் டெங்கு காய்ச்சல் பாதிப்பு கடந்த ஆண்டை விட குறைந்துள்ளது என்றறாா் தமிழக சுகாதாரத் துறைற அமைச்சா் சி.விஜயபாஸ்கா்.
நாகா்கோவில் ஆசாரிப்பள்ளம் அரசு மருத்துவக் கல்லூரி மருத்துவமனையில் ரூ.21 கோடியே 30 லட்சத்தில் உள்கட்டமைப்பு வசதிகள் மேம்படுத்தப்பட உள்ளன. இதில், ரூ. 12 கோடி மதிப்பீட்டில் தாய் - சேய் அவசர சிகிச்சை கட்டடம், ரூ. 2 கோடியே 54 லட்சத்து 10 ஆயிரம் மதிப்பீட்டில் கூடுதல் நூலக கட்டடம் கட்டுவதற்கான பூமி பூஜை நடைபெற்றது.
இந்நிகழ்ச்சிக்கு, மாவட்ட ஆட்சியா் பிரசாந்த் மு.வடநேரே தலைமை வகித்தாா். மாநில சுகாதாரத் துறை அமைச்சா் சி.விஜயபாஸ்கா், பூமி பூஜையை தொடங்கிவைத்து, செய்தியாளா்களிடம் கூறியதாவது:
கடந்த ஆண்டைவிட நிகழாண்டு தமிழகத்தில் டெங்கு காய்ச்சல் பாதிப்பு குறைந்துள்ளது. கேரளம், தெலங்கானா மாநிலங்களை ஒப்பிடும்போது, டெங்கு காய்ச்சல் நோயாளிகள் மிகவும் குறைவு.
கேரள மாநிலத்தில் 70 சதவீத பிரசவம் தனியாா் மருத்துவமனைகளில் நடைபெறுகிறது. அதே நேரத்தில் தமிழகத்தில் 70 சதவீத பிரசவம் அரசு மருத்துவமனைகளிலும், 30 சதவீத பிரசவம் தனியாா் மருத்துவமனைகளிலும் நடக்கிறது. அரசு மருத்துவா்களின் பல்வேறு கோரிக்கைகள் குறித்து அரசு பரிசீலித்து வருகிறது.
மருத்துவக் கவுன்சிலின் விதிமுறைகளை பின்பற்றியே அனைத்து நடவடிக்கைகளும் எடுக்கப்பட்டு வருகின்றன. இதன்மூலம் தமிழகத்தில் 360 எம்.பி.பி.எஸ். இடங்களும், 508 மருத்துவ மேல்படிப்பு இடங்களும் அதிகரித்துள்ளன. தமிழக மக்கள் நல்வாழ்வு துறை, இந்தியாவில் முதலிடத்தில் உள்ளது.
ஆசாரிப்பள்ளத்தில் இதய சிகிச்சை பிரிவுக்காக ரூ.3.60 கோடி செலவில் கேத் லேப் வசதி செய்யப்பட்டுள்ளது. குமரி மாவட்டத்தில் யாருக்காவது மாரடைப்பு ஏற்பட்டால் அவா்கள் உடனடியாக, அரசு மருத்துவக் கல்லூரி மருத்துவமனையில் அனுமதிக்கப்பட்டு, அங்கு சிகிச்சை பெறும் வசதி முதல்முறையாக ஏற்படுத்தப்படுள்ளது. இதன் மூலம், ஏழை, எளிய மக்கள் முற்றிலும் கட்டணமில்லாமல் இலவசமாக இதய சிகிச்சை பெற வழிவகை செய்யப்பட்டுள்ளது.
தாய் சேய் இறப்பு விகிதத்தை இல்லாத நிலையை உருவாக்குவதற்காக ரூ.12 கோடி மதிப்பீட்டில் தாய் - சேய் அவசர சிகிச்சை கட்டடம் கட்டப்படவுள்ளது. மனநோயாளிகளுக்கு தரமான சிகிச்சைக்கான மின் அதிா்வு சிகிச்சைக்காக ரூ.3 லட்சம் செலவில் ஒரு புதிய கருவியை தொடங்கி வைத்திருக்கிறோம்.
அதேபோல், ரூ. 2 கோடியே 54 லட்சத்து 10 ஆயிரம் மதிப்பீட்டில் கூடுதல் நூலகம் கட்டடத்துக்கான பூமி பூஜையும் தொடங்கப்பட்டுள்ளது. ரூ.1.17 கோடியில், 10 வென்டிலேட்டா், 10 மல்டி பாராமீட்டா், 20 மானிட்டா் வழங்கப்பட்டு பொதுமக்களுக்காக அா்ப்பணிக்கப்பட்டுள்ளது. விபத்துக்கான சிகிச்சை மையத்தில் ரூ.40 லட்சம் செலவில் மேம்படுத்தப்பட்ட முற்றிலும் குளிா்சாதன வசதிகளுடன் கூடிய நவீன விபத்து மற்றும் அவசர சிகிச்சை பிரிவு ஆகியவை எல்லா அரசு மருத்துவமனைகளில் பொதுமக்களுக்காக தொடங்கப்படும் காரணத்தால், சாலை விபத்துகளில் ஏற்படும் உயிரிழப்புகள் தவிா்க்கப்படும் என்றாா் அவா்.
இதைத் தொடா்ந்து, ஆசாரிப்பள்ளம் அரசு மருத்துவமனையில் கிட்னி மாற்று அறுவை சிகிச்சை செய்யப்பட்டு, அந்த நோயாளி பூரண குணமடைந்துள்ளதை பாராட்டி, அறுவை சிகிச்சை மேற்கொண்ட மருத்துவக் குழுவினா்களுக்கு அமைச்சா் சான்றிதழ்களை வழங்கினாா்.
மேலும், காது கேளாதோா், வாய் பேச இயலாத குழந்தைகளுக்கு அறுவை சிகிச்சை மற்றும் பேச்சு சிகிச்சை அளித்த மருத்துவக் குழுவினரையும், பாராட்டியதோடு, சிகிச்சை பெற்ற குழந்தைகளின் பெற்றேறாா்களிடம் குறைகளைக் கேட்டறிந்து, மேற்கொண்டு தேவையான சிகிச்சை அளிக்க மருத்துவா்களுக்கு அறிவுறுத்தினாா்.
இந்நிகழ்ச்சியில், தமிழக அரசின் தில்லி சிறப்பு பிரதிநிதி ந. தளவாய்சுந்தரம், சட்டப்பேரவை உறுப்பினா்கள் என்.சுரேஷ்ராஜன் (நாகா்கோவில்), ஆஸ்டின்(கன்னியாகுமரி), மாவட்ட காவல் கண்காணிப்பாளா் என். ஸ்ரீநாத், மாவட்ட ஆவின் தலைவா் எஸ்.ஏ.அசோகன், அரசு ரப்பா் வளா்ப்போா் கூட்டுறவு விற்பனை சங்கத் தலைவா் டி.ஜான்தங்கம், ஆசாரிப்பள்ளம் அரசு மருத்துவக் கல்லூரி மருத்துவமனை முதல்வா் இரா.பாலாஜி நாதன், மாவட்ட கூட்டுறறவு ஒன்றியத் தலைவா் எஸ்.கிருஷ்ணகுமாா், அரசு மருத்துவக் கல்லூரி மருத்துவமனை கண்காணிப்பாளா் ஒய்.அருள்பிரகாஷ், துணை முதல்வா் பி.லியோ டேவிட், உறைவிட மருத்துவ அலுவலா் எஸ்.ஆறுமுகவேலன், அரசு அலுவலா்கள், மருத்துவா்கள், செவிலியா்கள், பணியாளா்கள், மாணவா், மாணவிகள் கலந்துகொண்டனா்.