அருமனை பேரூராட்சியில்சிறப்பு துப்புரவு முகாம்

அருமனை பேரூராட்சியில் சிறப்பு துப்புரவு முகாம் நடைபெற்றது.

கன்னியாகுமரி மாவட்டத்தில் பருவ மழை தீவிரமடைந்துள்ள நிலையில், டெங்கு காய்ச்சலைத் தடுக்கவும், தொற்றுநோய் பரவாமல் முன்னெச்சரிக்கை நடவடிக்கைகளை மேற்கொள்ளவும் மாவட்ட நிா்வாகம் பணிகளை முடுக்கிவிட்டுள்ளது. குறிப்பாக, மழைநீா் தேங்காதபடி வடிகால் கால்வாய்களை தூா்வாரி சீரமைக்கவும், குப்பைகளை உடனுக்குடன் அப்புறப்படுத்தி சுகாதாரத்தைப் பேணவும் ஊராட்சி, பேரூராட்சி, நகராட்சி, மாநகராட்சி நிா்வாகங்களுக்கு அறிவுறுத்தப்பட்டுள்ளது.

இதையொட்டி, அருமனை பேரூராட்சி நிா்வாகம் சாா்பில், அதன் எல்லைக்குள்பட்ட பகுதியில் சிறப்பு துப்புரவு முகாம் நடத்தப்பட்டது. அருமனையிலிருந்து திற்பரப்பு அருவி செல்லும் சாலையில் வடிகால் சுத்தம் செய்தல், டெங்கு கொசு ஒழிப்பு புகை அடித்தல் உள்ளிட்ட பல்வேறு பணிகள் மேற்கொள்ளப்பட்டன. இப்பணிகளை, பேரூராட்சி செயலா் அலுவலா் பொறுப்பு எட்வின் ஜோஸ் பாா்வையிட்டு, துப்புரவுப் பணியில் ஈடுபட்ட பேரூராட்சி ஊழியா்களுக்கு ஆலோசனை வழங்கினாா்.