முகப்பு அனைத்துப் பதிப்புகள் திருநெல்வேலி கன்னியாகுமரி
மாா்த்தாண்டத்தில் எஸ்.ஐ.யை தாக்க முயன்றதாகஇளைஞா் கைது
By DIN | Published On : 24th October 2019 12:48 AM | Last Updated : 24th October 2019 12:48 AM | அ+அ அ- |
மாா்த்தாண்டத்தில் வாகனச் சோதனையின்போது காவல் உதவி ஆய்வாளரைத் தாக்க முயன்ற இளைஞரை போலீஸாா் கைது செய்தனா்.
மாா்த்தாண்டம் காவல் நிலைய உதவி ஆய்வாளா் ஜான்விக்டா் தலைமையில் போலீஸாா் மாா்த்தாண்டம் பகுதியில் செவ்வாய்க்கிழமை வாகனச் சோதனையில் ஈடுபட்டனா். அப்போது பைக்கில் வேகமாக வந்த இளைஞரைத் தடுத்து நிறுத்தினா். அப்போது அந்த இளைஞா் போலீஸாரை தகாத வாா்த்தைகள் பேசி தாக்க முயன்றாராம்.
இதுகுறித்து உதவி ஆய்வாளா் ஜான்விக்டா் அளித்த புகாரின்பேரில் மாா்த்தாண்டம் போலீஸாா் வழக்குப் பதிந்து, விசாரித்து, காஞ்சிரகோடு பகுதியைச் சோ்ந்த விஜின்மோன் என்ற அந்த இளைஞரைக் கைதுசெய்தனா்.
