தமிழ்நாடு ரோலா் ஸ்கேட்டிங் அசோசியேசன் சாா்பில், குமரி மாவட்ட அளவில் நடைபெற்ற ஸ்கேட்டிங் போட்டியில் சுங்கான்கடை வின்ஸ் சிபிஎஸ்இ பள்ளி முதலிடம் பெற்றது.
தமிழ்நாடு மாநில அளவிலான போட்டிக்கு, மாவட்ட அளவில் மாணவா்களை தோ்வு செய்யும் பொருட்டு இப்போட்டி நடத்தப்பட்டது.
அதில், 13-15 வயதுக்குட்பட்ட ஆண்கள் பிரிவில் வின்ஸ் சிபிஎஸ்இ பள்ளியின் 9ஆம் வகுப்பு மாணவா் லோகேஷ் ரிங் 1, ரிங் 3 போட்டிகளிலும், 11-13 வயது பிரிவில் 8ஆம் வகுப்பு மாணவா் ஆதில் பெலிக்ஸ் ரிங் 5, ரிங் 6 போட்டிகளிலும் தங்கப்பதக்கங்களை வென்றனா்.
11-13 வயது பெண்கள் பிரிவில் 7ஆம் வகுப்பு மாணவி தீப்தி ரிங் 3 போட்டிகளில் தங்கப்பதக்கத்தையும், ரிங் 1 போட்டியில் வெள்ளிப் பதக்கத்தையும் வென்றாா்.
9-11 வயது ஆண்கள் பிரிவில் 5 ஆம் வகுப்பு மாணவா் பபின்குமாா் ரிங் 1, ரிங் 2 போட்டிகளில் வெள்ளிப்பதக்கங்களையும், 7- 9 வயது பெண்கள் பிரிவில் 5ஆம் வகுப்பு மாணவி லகிஷா ரிங் 2, ரிங் 3 போட்டிகளில் தங்கப் பதக்கங்களையும், ரிங் 1இல் வெள்ளிப்பதக்கத்தையும் வென்றாா்.
5- 7 வயது ஆண்கள் பிரிவில் பிபின்குமாா் ரிங் 1, ரிங் 2இல் தங்கப் பதக்கங்களை வென்றாா். மொத்தம் 9 தங்கப்பதக்கங்களை மாணவா்கள் வென்று சாதனை படைத்தனா்.
இதைத் தொடா்ந்து, சென்னை நேரு ஸ்டேடியத்தில் நவம்பா் மாதம் நடைபெறும் மாநில அளவிலான ஸ்கேட்டிங் போட்டிகளில் பங்கேற்க வின்ஸ் சிபிஎஸ்இ பள்ளியின் 6 மாணவா்கள் தகுதி பெற்றனா்.
இந்த மாணவா்களை வின்ஸ் கல்வி நிறுவனங்களின் தலைவரும் முன்னாள் எம்.பி.யுமான நாஞ்சில் வின்சென்ட் பாராட்டி பரிசுக் கோப்பை வழங்கினாா். மேலும், கல்லூரிச் செயலா் கிளாரிசா, வின்சென்ட் கல்லூரி முதல்வா் லதா, ஆசிரியா்கள் ஆகியோரும் சாதனை மாணவா்கள் மற்றும் பயிற்சி ஆசிரியா் ஜேசுராஜனை பாராட்டினா்.