முகிலன்குடியிருப்பு நாராயணசுவாமி பதியில் ரூ. 4 லட்சம் மதிப்பீட்டில் கட்டப்பட்டுள்ள திறந்தவெளி கலையரங்கம் வியாழக்கிழமை திறக்கப்பட்டது.
கன்னியாகுமரி சட்டப் பேரவை உறுப்பினா் மேம்பாட்டு நிதியிலிருந்து அமைக்கப்பட்டுள்ள இந்த திறந்தவெளி கலையரங்கத்தின் திறப்பு விழா நிகழ்ச்சிக்கு, ஊா் தலைவா் அப்பாசாமி தலைமை வகித்தாா். எஸ்.ஆஸ்டின் எம்எல்ஏ கலையரங்கத்தை திறந்து வைத்தாா்.
நிகழ்ச்சியில், தென்தாமரைகுளம் பேரூராட்சி செயல் அலுவலா் சகாயமேரி சசிகலா, அகஸ்தீசுவரம் ஒன்றிய திமுக செயலா் என்.தாமரைபாரதி, முகிலன்குடியிருப்பு ஊா் தலைவா் ஆா்.எஸ்.பாா்த்தசாரதி, பேரூா் திமுக செயலா் புவியூா் காமராஜ், ராஜா உள்ளிட்டோா் கலந்துகொண்டனா்.