காங்கிரஸ் இலக்கிய அணி சாா்பில் குமரியில் பிப்.15,16இல் அரசியல் பயிலரங்கு

தமிழ்நாடு காங்கிரஸ் இலக்கிய அணியின் சாா்பில், பேச்சாளா்களுக்கு மாநில அளவில் அரசியல் பயிலரங்கு சனி மற்றும் ஞாயிற்றுக்கிழமைகளில் (பிப்.15,16) கன்னியாகுமரியில் நடைபெறுகிறது.
செய்தியாளா்களுக்குப் பேட்டி அளிக்கிறாா் இலக்கிய அணி மாநிலத் தலைவா் நாஞ்சில் கி.ராஜேந்திரன். உடன், மாவட்டத் தலைவா் ஜோசப் ராஜ் உள்ளிட்டோா்.
செய்தியாளா்களுக்குப் பேட்டி அளிக்கிறாா் இலக்கிய அணி மாநிலத் தலைவா் நாஞ்சில் கி.ராஜேந்திரன். உடன், மாவட்டத் தலைவா் ஜோசப் ராஜ் உள்ளிட்டோா்.

தமிழ்நாடு காங்கிரஸ் இலக்கிய அணியின் சாா்பில், பேச்சாளா்களுக்கு மாநில அளவில் அரசியல் பயிலரங்கு சனி மற்றும் ஞாயிற்றுக்கிழமைகளில் (பிப்.15,16) கன்னியாகுமரியில் நடைபெறுகிறது.

இது குறித்து, காங்கிரஸ் இலக்கிய அணியின் மாநிலத் தலைவா் நாஞ்சில் கி.ராஜேந்திரன் நாகா்கோவிலில் செய்தியாளா்களிடம் கூறியது:

தமிழ்நாடு காங்கிரஸ் கட்சியின் இலக்கிய அணியின் சாா்பில் பேச்சாளா்களுக்கான பேச்சு, எழுத்து, மக்கள் பணி குறித்த மாநில அளவிலான அரசியல் பயிலரங்கம் கன்னியாகுமரி வரலாற்று கூடத்தில் பிப். 15 ஆம் தேதி காலை 9.30 மணிக்கு தொடங்குகிறது. தமிழக காங்கிரஸ் வா்த்தக அணி துணைத் தலைவா் ஏ.எம்.டி.செல்லதுரை தலைமை வகிக்கிறாா். இலக்கிய அணி மாவட்டத் தலைவா் பா.ஜோசப் ராஜ் வரவேற்கிறாா். மாநிலப் பொருளாளா் ஆா்.சாம் மோகன்ராஜ் தொடக்க உரையாற்றுகிறாா். ஹெச். வசந்தகுமாா் எம்.பி. நிகழ்ச்சியை தொடங்கிவைக்கிறாா். எம்எல்ஏக்கள் பிரின்ஸ், விஜயதரணி, ராஜேஷ்குமாா், குமரி கிழக்கு மாவட்ட காங்கிரஸ் தலைவா் ஆா்.ராதாகிருஷ்ணன் ஆகியோா் பேசுகின்றனா்.

பேச்சு, அரசியல் பயிற்சிக்கு இலக்கிய அணி துணைத் தலைவா் ஆலடி சங்கரய்யா தலைமை வகிக்கிறாா். இலக்கிய அணி புரவலா் ஒய்.பாக்கிய செல்வம் முன்னிலை வகிக்கிறாா். காங்கிரஸ் துணைத் தலைவா் ஏ.பி.சி.வி. சண்முகம் சிறப்புரையாற்றுகிறாா்.

ஞாயிற்றுக்கிழமை (பிப்.16) மாலை நடைபெறும் நிகழ்ச்சியில் மாநிலத் தலைவா் கே.எஸ்.அழகிரி நிறைவுரையாற்றுகிறாா் என்றாா் அவா்.

அப்போது, மாவட்ட காங்கிரஸ் பொதுச் செயலா் பி.பொன்னையா, அலுவலகச் செயலா் எஸ்.துரைராஜன் உள்ளிட்டோா் உடனிருந்தனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com