Enable Javscript for better performance
சாலைகளை சீரமைக்கக் கோரி எம்எல்ஏ நடைப்பயணம் ஆட்சியரிடம் மனு- Dinamani

சுடச்சுட

    

    சாலைகளை சீரமைக்கக் கோரி எம்எல்ஏ நடைப்பயணம் ஆட்சியரிடம் மனு

    By DIN  |   Published on : 14th February 2020 12:43 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    tky13_mla_1302chn_48_6

    ஆட்சியரிடம் மனு அளிப்பதற்காக நடைப்பயணம் செல்லும் பத்மநாபபுரம் எம்எல்ஏ மனோதங்கராஜ், திமுக நிா்வாகிகள்.

    தேசிய நெடுஞ்சாலைகள், மாநில சாலைகளை விரைந்து சீரமைக்க வலியுறுத்தி, பத்மநாபபுரம் எம்எல்ஏ மனோ தங்கராஜ் தக்கலை முதல் நாகா்கோவில் வரை வியாழக்கிழமை நடைப்பயணமாக சென்று ஆட்சியரிடம் மனு அளித்தாா்.

    திமுக மேற்கு மாவட்டச் செயலரான இவா், வியாழக்கிழமை கட்சி நிா்வாகிகள், தொண்டா்களுடன் தக்கலையிலிருந்து நாகா்கோவிலுக்கு 16 கி.மீ. தொலைவு நடைப்பயணமாகச் சென்று, சாலைகளை விரைந்து சீரமைக்கக் கோரி ஆட்சியரிடம் மனு அளித்தாா்.

    நடைப்பயணத்தின்போது செய்தியாளா்களிடம் அவா் கூறியது: பத்மநாபபுரம் தொகுதிக்கு உள்பட்ட திற்பரப்பு- திருவரம்பு சாலை, குலசேகரம்-பொன்மனை, சுருளோடு-சித்திரங்கோடு ஆகிய சாலைகளுக்கு ஒப்பந்தப்புள்ளி விடப்பட்டும் பணிகள் தொடங்கவில்லை. எனவே, இப்பணிகளைத் தொடங்க போா்க்கால அடிப்படையில் நடவடிக்கை எடுக்கவேண்டும்.

    இம்மாவட்டத்தில் உள்ள தேசிய நெடுஞ்சாலைகளை முழுமையாக சீரமைத்து தரம் உயா்த்த வேண்டும். உரிமமின்றி அதிகளவில் கல், மணல் பாரம் ஏற்றிச் செல்லும் கனரக வாகனங்கள் மீது கடும் நடவடிக்கை எடுக்க வேண்டும் என்றாா் அவா்.

    நடைப்பயணத்தின் போது, பத்மநாபபுரம் நகரச் செயலா் மணி, திருவட்டாறு ஒன்றியச் செயலா் ஜாண்பிரைட், மாவட்டப் பொருளாளா் சிசுகுமாா், கட்சி நிா்வாகிகள் வழக்குரைஞா் ராஜேஷ்குமாா், ஜெபாஜாண், வா்க்கீஸ், ஜாண், கோபால் உள்ளிட்டோா் உடன் சென்றனா்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai