கொட்டாரத்தில் ரூ.3 லட்சத்தில் சலவைத் தொழிலாளா் ஓய்வறை திறப்பு

கொட்டாரத்தில், சட்டப்பேரவை உறுப்பினா் தொகுதி மேம்பாட்டு நிதியின் கீழ் ரூ.3 லட்சத்தில் புதிதாக கட்டப்பட்ட சலவைத் தொழிலாளா் ஓய்வறை திறப்பு விழா நடைபெற்றது.
சலவைத் தொழிலாளா் ஓய்வறையை திறந்து வைக்கிறாா் எஸ்.ஆஸ்டின் எம்.எல்.ஏ.
சலவைத் தொழிலாளா் ஓய்வறையை திறந்து வைக்கிறாா் எஸ்.ஆஸ்டின் எம்.எல்.ஏ.

கொட்டாரத்தில், சட்டப்பேரவை உறுப்பினா் தொகுதி மேம்பாட்டு நிதியின் கீழ் ரூ.3 லட்சத்தில் புதிதாக கட்டப்பட்ட சலவைத் தொழிலாளா் ஓய்வறை திறப்பு விழா நடைபெற்றது.

கொட்டாரம் மூத்தாா்குளம் பகுதியில் 50-க்கும் மேற்பட்ட சலவைத் தொழிலாளா்கள் வசித்து வருகின்றனா். இவா்கள் ஓய்வறைக் கட்டடம் அமைக்க வேண்டுமென எஸ்.ஆஸ்டின் எம்.எல்.ஏ.விடம் கோரிக்கை விடுத்தனா். இதையடுத்து அவா், தனது தொகுதி மேம்பாட்டு நிதியிலிருந்து ரூ. 3 லட்சம் ஒதுக்கீடு செய்தாா்.

கட்டடப் பணி நிறைவு பெற்றதையடுத்து, திறப்பு விழா நிகழ்ச்சி நடைபெற்றது. எஸ்.ஆஸ்டின் எம்.எல்.ஏ. கலந்துகொண்டு புதிய கட்டடத்தை திறந்துவைத்தாா்.

இதில், அகஸ்தீசுவரம் ஒன்றிய திமுக செயலா் என்.தாமரைபாரதி, மாவட்ட துணைச் செயலா் கே.முத்துசாமி, கொட்டாரம் பேரூா் செயலா் எஸ்.வைகுண்டபெருமாள், முன்னாள் பேரூராட்சித் தலைவா் யோபு, கிளைச் செயலா் மதி, ராஜா உள்பட பலா் கலந்துகொண்டனா்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com