Enable Javscript for better performance
குமரி அரசு மருத்துவமனையில் ஹெ.வசந்தகுமாா் எம்.பி. ஆய்வு- Dinamani

சுடச்சுட

    

    குமரி அரசு மருத்துவமனையில் ஹெ.வசந்தகுமாா் எம்.பி. ஆய்வு

    By DIN  |   Published on : 15th February 2020 07:35 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    kkn14mp_1402chn_51_6

    கன்னியாகுமரி அரசு னயில் ஆய்வு செய்கிறாா் ஹெச். வசந்தகுமாா் எம்.பி.

    கன்னியாகுமரி அரசு மருத்துவமனையில் ஹெச்.வசந்தகுமாா் எம்.பி. ஆய்வு மேற்கொண்டாா்.

    கன்னியாகுமரி அரசு மருத்துவமனையில் நாள்தோறும் ஏராளமான பொதுமக்களும், சுற்றுலாப் பயணிகளும் சிகிச்சை பெற்று வருகின்றனா். இந்த மருத்துவமனையில் பல குறைபாடுகள் உள்ளதாக புகாா்கள் வந்த நிலையில், கன்னியாகுமரி மக்களவை தொகுதி உறுப்பினா் ஹெச். வசந்தகுமாா் வெள்ளிக்கிழமை மருத்துவமனைக்கு சென்று ஆய்வு மேற்கொண்டாா். அப்போது அவா் பிரசவ வாா்டு, குழந்தைகள் பிரிவு, ஆண்கள், பெண்கள் சிகிச்சை பகுதி, ரத்த வங்கி ஆகிய பிரிவுகளுக்கு சென்று ஆய்வு செய்தாா். அங்கு நின்று கொண்டிருந்த நோயாளிகளும், பொதுமக்களும் மருத்துவமனையின் குறைபாடுகளை தெரிவித்தனா். இதனையடுத்து அங்குள்ள மருத்துவ அதிகாரியிடம் பிரச்னைகள் குறித்து கேட்டறிந்தாா்.

    பின்னா் அவா் செய்தியாளா்களிடம் கூறியது: சா்வதேச சுற்றுலாத் தலமான கன்னியாகுமரியில் உள்ள அரசு மருத்துவமனையில் உள்நோயாளிகள் மற்றும் வெளிநோயாளிகள் என தினமும் ஏராளமானோா் வந்து சிகிச்சை பெற்றுச் செல்கின்றனா். ஆனாலும் சரிசெய்யக்கூடிய குறைபாடுகள் உள்ளன. குறிப்பாக தண்ணீா் தொட்டி இருந்தும் மின்மோட்டாா் வசதி இல்லாததால் தண்ணீா் இன்றி உள்ளது. ஆண் பணியாளா்கள் இல்லை. இரவு நேர மருத்துவா் பணியில் முழுநேரமும் இருந்தால் நோயாளிகள் அதிகம் போ் சிகிச்சை பெறவசதியாக இருக்கும். மருத்துவமனை வளாகத்தில் உள்ள புல்செடிகளை அகற்றுவதோடு நிரந்தரமாக ஆம்புலன்ஸ் வசதியும், உடற்கூறு பரிசோதனை அறைவசதியும் ஏற்படுத்த வேண்டும் என்ற கோரிக்கை வைக்கப்பட்டுள்ளது. இதை இங்குள்ள தலைமை மருத்துவரிடம்ம் மனுவாக கேட்டுள்ளேன். அதனடிப்படையில் மாவட்ட மருத்துவ பணிகள் இணை இயக்குநா் மற்றும் மாநில அரசு மருத்துவ செயலரை நேரில் சந்திக்க உள்ளேன். இம்மருத்துவமனையின் குறைகளை சொல்வதற்காக நான் வரவில்லை. குறைகளை நிறைவுபடுத்திவிட்டு தரம் உயா்த்தப்பட்ட மருத்துவமனையாக மாற்ற நடவடிக்கை எடுப்பேன் என்றாா் அவா்.

     

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai