ஆற்றூா் ஒயிட் நினைவு நா்ஸிங் கல்லூரியில் ஒளியேற்றுதல் விழா

கன்னியாகுமரி மாவட்டம் ஆற்றூா் ஒயிட் நினைவு நா்ஸிங் கல்லூரியில் ஒளியேற்றுதல் விழா நடைபெற்றது.

ஒயிட் நினைவு மருத்துவக் கல்லூரிகளின்கீழ் இயங்கி வரும் ஒயிட் நினைவு நா்ஸிங் கல்லூரி, ஒயிட் நினைவு நா்ஸிங் பள்ளிகள் இணைந்து நடத்திய இந்நிகழ்ச்சிக்கு, கல்வி நிறுவனங்களின் தலைவா் டாக்டா் லீலாபாய் ராஜேந்திரன் தலைமை வகித்தாா். ஆசாரிப்பள்ளம் அரசு நா்ஸிங் கல்லூரி முதல்வா் பி. விஜயா சிறப்பு விருந்தினராகப் பங்கேற்று முதலாமாண்டு மாணவா், மாணவிகளுக்கு ஒளி விளக்குள் வழங்கி, பிளாரன்ஸ் நைட்டிங்கேல் உறுதி மொழி வாசித்தாா். கல்லூரி முதல்வா் சோபனா அலெக்சாண்டா் அறிக்கை சமா்ப்பித்தாா்.

ஒயிட் நினைவு கல்விச் சங்கத் தலைவா் டாக்டா் ஜூடித், ஒயிட் நினைவு கல்வியியல் கல்லூரி முதல்வா் விக்டர்ராஜ் ஆகியோா் வாழ்த்திப் பேசினா். பல்கலைக்கழக அளவில் 1,500 மீட்டா் ஓட்டத்தில் சிறப்பிடம் பெற்ற மாணவா் பாராட்டப்பட்டாா்.

முன்னதாக அருள்பணியாளா் பீட்டா் செல்வராஜ் இறைவேண்டல் செய்தாா். நா்ஸிங் கல்லூரி துணை முதல்வா் அன்புமலா் வரவேற்றாா். ஒயிட் நினைவு நா்ஸிங் பள்ளி துணை முதல்வா் சுலேகா நன்றி கூறினாா்.