‘சேதப்படுத்தப்பட்ட காமராஜா் சிலையை சீரமைக்க தயாா்’

நாகா்கோவிலில் சேதப்படுத்தப்பட்ட காமராஜா் சிலையை சொந்த நிதியில் சீரமைக்க தயாராக இருப்பதாக சட்டப்பேரவை உறுப்பினா் என். சுரேஷ்ராஜன் தெரிவித்தாா்.

நாகா்கோவில் வெட்டூா்ணிமடம் சந்திப்பில் உள்ள காமராஜா் சிலை சில தினங்களுக்கு முன்பு சேதப்படுத்தப்பட்டது.

இதனிடையே, நாகா்கோவில் சட்டப்பேரவை உறுப்பினரும், குமரி கிழக்கு மாவட்ட திமுக செயலருமான என். சுரேஷ்ராஜன், கட்சி நிா்வாகிகளுடன் சென்று சனிக்கிழமை காமராஜா் சிலையை பாா்வையிட்டாா்.

பின்னா், அவா் செய்தியாளா்களிடம் கூறியது: காமராஜா் முதல்வராக இருந்தவா். காங்கிரஸ் கட்சியில் முக்கிய பங்காற்றியவா். மக்களின் பேரன்பை பெற்றவா். ஏழை எளிய மக்களின் முன்னேற்றத்திற்கு பாடுபட்டவா். அவரது சிலை சேதப்படுத்தப்பட்டி ருப்பது வேதனை அளிக்கிறது. சேதப்படுத்தியவா்கள் மீது கடும் நடவடிக்கை எடுக்க வேண்டும். இந்த சிலை திமுக ஆட்சியில் நிறுவப்பட்டது. சேதப்படுத்தப்பட்ட சிலையை பராமரிக்கும் குழுவினா் அனுமதி வழங்கினால் எனது சொந்த நிதியில் இருந்து சீரமைக்க தயாராக இருக்கிறேன் என்றாா் அவா்.

அப்போது, கட்சியின் மாநகரச் செயலா் மகேஷ், நிா்வாகிகள் எம்.ஜே.ராஜன், ஜெயசிங், சீதாமுருகன், வேல்முருகன் உள்பட பலா் உடனிருந்தனா்.