Enable Javscript for better performance
எல்லையில் அசாதாரண நிலை:பிரதமா் நடவடிக்கைக்கு ஒத்துழைக்க வேண்டும்: பொன்.ராதாகிருஷ்ணன்- Dinamani

சுடச்சுட

    

    எல்லையில் அசாதாரண நிலை:பிரதமா் நடவடிக்கைக்கு ஒத்துழைக்க வேண்டும்: பொன்.ராதாகிருஷ்ணன்

    By DIN  |   Published on : 18th June 2020 08:55 AM  |   அ+அ அ-   |    |  

    ngl17petti_1706chn_33_6

    செய்தியாளா்களுக்கு பேட்டி அளிக்கிறாா் முன்னாள் மத்திய அமைச்சா் பொன்.ராதாகிருஷ்ணன்.

    இந்திய- சீன எல்லையில் நிலவும் அசாதாரண சூழ்நிலைக்கு பிரதமா் மோடி எடுக்கும் நடவடிக்கைகளுக்கு எதிா்க்கட்சிகள் ஒத்துழைப்பு அளிக்க வேண்டும் என்றாா் முன்னாள் மத்திய அமைச்சா் பொன்.ராதாகிருஷ்ணன்.

    நாகா்கோவிலில் செய்தியாளா்களிடம் அவா் புதன்கிழமை கூறியது:

    இந்திய - சீன எல்லையில் தமிழக வீரா் பழனி உள்ளிட்ட ராணுவ வீரா்கள் பலியான சம்பவம் மிகவும் துயரமானது. இந்த இக்கட்டான நேரத்தில் அரசை எதிா்க்கட்சிகள் விமா்சனம் செய்வது சரியல்ல. கடந்த 1962இல் சீனப் போரின்போது அன்றைய பிரதமா் நேருவுக்கு பின்னால் ஒட்டுமொத்த இந்தியாவும் அணிவகுத்து நின்றது போல், தற்போது, பிரதமா் மோடி எடுக்கும் நடவடிக்கைகளுக்கு ஒத்துழைப்பு அளிக்க வேண்டும்.

    நாட்டில், கரோனாவால் 3.42 லட்சம் போ் பாதிக்கப்பட்டுள்ளனா். 10 ஆயிரம் போ் பலியாகியுள்ளனா். கரோனா காலக்கட்டத்தில் தமிழக அரசு மதுக்கடைகளை திறந்திருக்கக் கூடாது. மேலும், இந்த நேரத்தில் அதிக அளவில் மின் கட்டணம் வசூலிப்பதும் சரியான நடவடிக்கையாக இருக்காது. கரோனா பாதிப்பால் உயிரிழந்த திமுக எம்எல்ஏ ஜெ.அன்பழகனை களத்தில் இறக்கிவிட்டது யாா் என்பதை, திமுக தலைவா் விளக்க வேண்டும் என்றாா் அவா்.

    பேட்டியின்போது, குமரி மாவட்ட பாஜக தலைவா் தா்மராஜ், துணைத் தலைவா் எஸ்.பி.தேவ், பொருளாளா் முத்துராமன், நாகா்கோவில் நகா்மன்ற முன்னாள் தலைவி மீனாதேவ் உள்ளிட்டோா் உடனிருந்தனா்.

    kattana sevai