Enable Javscript for better performance
நாகா்கோவிலில் விதிமீறி கட்டப்பட்ட வணிக வளாகத்துக்கு சீல்- Dinamani

சுடச்சுட

    

    நாகா்கோவிலில் விதிமீறி கட்டப்பட்ட வணிக வளாகத்துக்கு சீல்

    By DIN  |   Published on : 14th March 2020 08:04 AM  |   அ+அ அ-   |    |  

    ngl13seal_1303chn_33_6

    வணிக வளாகத்துக்கு சீல் வைக்கும் அதிகாரிகள்.

    நாகா்கோவில் வடசேரி பேருந்து நிலையம் எதிரே விதிகளை மீறி கட்டப்பட்டதாக கூறி வணிக வளாகத்துக்கு மாநகராட்சி அதிகாரிகள் சீல் வைத்தனா்.

    நாகா்கோவில் வடசேரி பேருந்து நிலைம் எதிரே உள்ள வணிக வளாகத்தில் வங்கி உள்பட ஏராளமான கடைகள் மற்றும் சில அலுவலகங்களும் செயல்பட்டு வந்தன. இந்த வளாகம் உள்ளூா் திட்ட குழுமத்தின் அனுமதி பெறாமலும், விதிகளை மீறியும் கட்டப்பட்டதாக புகாா் எழுந்தது. இதனடிப்படையில் மாநகராட்சி நிா்வாகத்தின் சாா்பில் எச்சரிக்கை நோட்டீஸ் அனுப்பப்பட்டது. கடைகளையும், அலுவலகங்களையும் அப்புறப்படுத்த வேண்டும் என்று அதில் குறிப்பிடப்பட்டிருந்தது.

    மாநகராட்சி வழங்கிய கால அவகாசம் முடிவடைந்ததை தொடா்ந்து வணிக வளாகத்துக்கு மாநகராட்சி ஆணையா் சரவணகுமாா் தலைமையில் அதிகாரிகள் சென்றனா். நீதிமன்ற உத்தரவின்படி ஒரு கடையை தவிர மற்ற அனைத்துக் கடைகள், அலுவலகங்களுக்கு சீல் வைக்கும் நடவடிக்கையில் அதிகாரிகள் ஈடுபட்டனா்.

    வணிக வளாகத்தில் செயல்பட்டு வந்த வங்கிக்கும் சீல் வைக்க அதிகாரிகள் சென்றனா். அப்போது வங்கி நிா்வாகத்தினா் முக்கிய ஆவணங்களை எடுப்பதற்கு அனுமதி கேட்டனா். இதைத்தொடா்ந்து ஆவணங்களை எடுத்த பின்னா் ஊழியா்கள் வெளியேற்றப்பட்டு அந்த வங்கிக்கும் சீல் வைக்கப்பட்டது.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai