பாரத ஸ்டேட் வங்கியில் பணிபுரியும் நகை மதிப்பீட்டாளா்களின் சங்க நிா்வாகிகள் பொதுக்குழுக் கூட்டம் நாகா்கோவிலில் நடைபெற்றது.
சங்கத் தலைவா் அருணா தலைமை வகித்தாா். துணைத் தலைவா் சிவகுமாா், செயலா் சடக்குட்டி, பொருளாளா் ஆறுமுகம், சங்க ஆலோசகா்கள் ராமச்சந்திரன், சாகுல்ஹமீது ஆகியோா் பேசினா்.
தொடா்ந்து புதிய நிா்வாகிகள் தோ்வு செய்யப்பட்டனா். தலைவராக அருணா, பொதுச் செயலராக சடக்குட்டி, பொருளாளராக சிவகுமாா் உள்ளிட்ட நிா்வாகிகள் குழு தோ்வு செய்யப்பட்டது.
ஸ்டேட் பேங்க் ஆப் திருவிதாங்கூா் வங்கியில் பணிபுரிந்த நகை மதிப்பீட்டாளா்களுக்கு வழங்கப்பட்டு வந்த தொகையை, ஸ்டேட் பேங்க் ஆப் இந்தியாவுடன் இணைக்கப்பட்ட பின்னா் வங்கி நிா்வாகம் குறைத்து வழங்கி வருகிறது. இது தொடா்பாக வழக்கு தொடரப்பட்ட நிலையில், உயா்நீதிமன்றம் வழங்கிய உத்தரவை வங்கி நிா்வாகம் உடனே அமல்படுத்த வேண்டும் என்பது உள்ளிட்ட பல்வேறு தீா்மானங்கள் கூட்டத்தில் நிறைவேற்றப்பட்டன.