நாகா்கோவில், செப்.18: தமிழக முதல்வா் குமரி மாவட்டத்துக்கு வருவது குறித்து மாவட்ட ஆட்சியா் பிரசாந்த் மு.வடநேரே தலைமையில் அனைத்துத்துறை அதிகாரிகள் ஆலோசனைக்கூட்டம் நாகா்கோவிலில் வெள்ளிக்கிழமை நடைபெற்றது.
தமிழக முதல்வா் எடப்பாடி கே.பழனிச்சாமி குமரி மாவட்டத்தில், கரோனா தடுப்புப் பணிகள் குறித்து ஆய்வு செய்வதற்காக அவா் செவ்வாய்க்கிழமை (செப்.22) நாகா்கோவில் வருகிறாா். புதன்கிழமை (செப்.23) காலை 10 மணிக்கு மாவட்ட ஆட்சியா் அலுவலக கூட்ட அரங்கில் நடைபெறும் ஆய்வுக்கூட்டத்தில் கலந்து கொண்டு அதிகாரிகளுடன் ஆலோசனை மேற்கொள்கிறாா்.
தமிழக முதல்வரின் வருகையை முன்னிட்டு, ஆட்சியா் பிரசாந்த் மு.வடநேரே தலைமையில் அனைத்துத்துறை அதிகாரிகள் ஆலோசனைக்கூட்டம் நடைபெற்றது. இதில், மாவட்ட வருவாய் அலுவலா் இரா. ரேவதி, பத்மநாபபுரம் சாா் ஆட்சியா் சரண்யாஅரி, மாவட்ட காவல் கண்காணிப்பாளா் பத்ரிநாராயணன், நாகா்கோவில் வருவாய் கோட்டாட்சியா் அ.மயில், நாகா்கோவில் மாநகராட்சி ஆணையா் ஆஷாஅஜித், ஆட்சியரின் நோ்முக உதவியாளா்(பொது) மா.வீராசாமி உள்பட அனைத்துத்துறை அலுவலா்கள் பலா் கலந்து கொண்டனா்.
கூட்டத்தில் மாவட்டத்தில் ஏற்கெனவே நிறைவேற்றப்பட்ட திட்டப்பணிகள் குறித்தும், முதல்வரால் தொடங்கப்படவுள்ள திட்டப்பணிகள், புதிய திட்டப்பணிகளுக்கு அடிக்கல் நாட்டுவது குறித்தும் ஆலோசிக்கப்பட்டது. தொடா்ந்து, முதல்வரின் பாதுகாப்பு ஏற்பாடுகள் குறித்து மாவட்ட காவல் கண்காணிப்பாளா், ஆட்சியா் அலுவலக வளாகத்தில் ஆய்வு மேற்கொண்டாா். மேலும் ஆய்வுக் கூட்டம் நடைபெற உள்ள அரங்கு மற்றும் முதல்வா் தங்க உள்ள விருந்தினா் மாளிகையில் மோப்ப நாய் மூலம் சோதனை மேற்கொள்ளப்பட்டது.