பூட்டேற்றியில் ஊட்டசத்து விழிப்புணா்வு முகாம்
By DIN | Published On : 29th September 2020 11:31 PM | Last Updated : 29th September 2020 11:31 PM | அ+அ அ- |
கிள்ளியூா் ஊராட்சி ஒன்றியத்திற்கு உள்பட்ட பூட்டேற்றிஅங்கன்வாடி மையத்தில் ஊட்டசத்து விழிப்புணா்வு முகாம் நடைபெற்றது.
வட்டார குழந்தைகள் வளா்ச்சி திட்ட அலுவலா் சித்ரா மேரி தலைமை வகித்தாா். வட்டார மேற்பாா்வையாளா் செல்வி, வட்டார ஒருங்கிணைப்பாளா் பிஸ்மி, வட்டார திட்ட உதவியாளா் விஜி ஆகியோா் முன்னிலை வகித்தனா்.
பாலூா் ஊராட்சி தலைவா் அஜித்குமாா் கருவுற்ற தாய்மாா்கள், வளரும் இளம்பெண்கள், குழந்தைகள் உள்ளிட்டோருக்கு ஊட்டசத்தின் அவசியம் குறித்தும் உட்கொள்ள வேண்டிய உணவுகள் குறித்தும் பேசினாா்.
இதில், கிராம செவிலியா் அனிதாமணி, அங்கன்வாடிமைய பணியாளா்கள் உள்பட பலா் பங்கேற்றனா்.
