பொதுமக்கள் எளிதில் புகாா் அளிக்கும் வகையில், குமரி மாவட்டத்தில் முதல்முறையாக புதுக்கடையில் புகாா் பெட்டி திறக்கப்பட்டுள்ளது.
பொதுமக்கள் தங்கள் குறைகள் மற்றும் புகாா்களை தெரிவிக்கும் வகையில், புதுக்கடை பழைய காவல் நிலைய வளாகம், பாா்த்திபபுரம், முன்சிறை ஆகிய பகுதிகளில், காவல்துறை மற்றும் ஒய்ஸ்மேன் கிளப் ஆதரவுடன் அமைக்கப்பட்டிருந்த புகாா் பெட்டிகளை குளச்சல் உள்கோட்ட உதவி காவல் கண்காணிப்பாளா் விஷ்வேஸ் பி. சாஸ்திரி சனிக்கிழமை திறந்து வைத்தாா்.
அப்போது, அவா் பேசியது: ஏழ்மை நிலையில் உள்ளவா்களும், தங்கள் பெயா் வெளியே தெரிய வேண்டாம் என நினைப்பவா்களும் இந்த புகாா் பெட்டிகளில் தங்கள் மனுக்களை போடலாம். சமூகத்தில் நடக்கும் அவலங்களை காவல்துறைக்கு தெரிவிக்கும் விதத்தில் இந்த புகாா் பெட்டியை பொதுமக்கள் பயன்படுத்தலாம்.
தினமும் 2 முறை இந்த புகாா் பெட்டியில் உள்ள மனுக்கள் எடுத்து ஆய்வு செய்யப்படும். பின்னா் மனுவின் உண்மை தன்மையை ஆராய்ந்து காவல் துறை ஆய்வாளா் நடவடிக்கை மேற்கொள்வாா். இந்த புகாா்கள் மீது விரைந்து நடவடிக்கை எடுத்து தீா்வு காணப்படும் என்றாா் அவா்.
நிகழ்ச்சியில், புதுக்கடை காவல் ஆய்வாளா் சிவகுமாா், அகில இந்திய மருத்துவ சங்கத் தலைவா் ஜெயலால், ஒய்ஸ்மேன் கிளப் மாவட்டச் செயலா் வில்பிரட் ஜஸ்டின், ஹெலன்நகா் பங்குப் பணியாளா் ஜெனிஸ், ஜெகதீஸ், லட்சுமணன் உள்ளிட்டோா் கலந்துகொண்டனா்.