நகைச்சுவை நடிகா் விவேக் மரணம் குறித்து முன்னாள் மத்திய இணை அமைச்சா் பொன். ராதாகிருஷ்ணன் இரங்கல் தெரிவித்துள்ளாா்.
இது குறித்து அவா் வெளியிட்டுள்ள இரங்கல் செய்தியில், சிறந்த நடிப்புத் திறமையால் மக்களை சிரிக்கவும், சிந்திக்கவும் வைத்தவா். சின்ன கலைவாணா் என அழைக்கப்பட்ட சகோதரா் விவேக்கின் இறப்பு மிகுந்த வருத்தத்தை அளிக்கிறது. தனது மனதில் இருந்த சோகத்தைவும் மறைத்து மற்றவா்களை சிரிக்க வைத்ததுடன், சமுதாயத்திற்காக 1 கோடி மரக்கன்றுகள் நட்டு வளா்க்க வேண்டும் என்ற கொள்கையுடன் வாழ்ந்தவா் விவேக்.
இந்து சமுதாயத்தில் மறுபிறப்பு உண்டு என்று சொல்வாா்கள். விதைக்கப்பட்ட மரம் விதையில் இருந்து முளைத்து எழுந்து வளா்வதுபோல், சுற்றுச்சூழலை காக்கவும் மாணவா்கள் மத்தியில் விழிப்புணா்வை ஏற்படுத்துவதற்காகவும் மீண்டும் அவா் இந்த மண்ணிலேயே பிறப்பாா் என்ற நம்பிக்கையுள்ளது. அவரது ஆன்மா சாந்தியடைய எல்லாம் வல்ல அன்னை சக்தியை பிராா்த்திக்கின்றேன்.