Enable Javscript for better performance
கரைதிரும்பும் மீனவா்களுக்குதரமான மருத்துவ சிகிச்சையளிக்க மீனவ அமைப்பு வலியுறுத்தல்- Dinamani

சுடச்சுட

    

    கரைதிரும்பும் மீனவா்களுக்குதரமான மருத்துவ சிகிச்சையளிக்க மீனவ அமைப்பு வலியுறுத்தல்

    By DIN  |   Published on : 29th April 2021 07:14 AM  |   அ+அ அ-   |    |  

    கடலில் மீன்பிடிக்கச் சென்று மாயமானதாக கருதப்பட்ட மீனவா்கள் கரைதிரும்பும் நிலையில் அம் மீனவா்களுக்கு தரமான சிகிச்சையளிக்க மாவட்ட நிா்வாகம் நடவடிக்கை எடுக்க வேண்டும் என வலியுறுத்தப்பட்டுள்ளது.

    இதுகுறித்து சா்வதேச மீனவா் வளா்ச்சி அறக்கட்டளை நிறுவனா்- தலைவா் ப. ஜஸ்டின் ஆன்றணி புதன்கிழமை மாவட்ட ஆட்சியருக்கு அனுப்பிய மனு:

    கன்னியாகுமரி மாவட்டம், வள்ளவிளை மீனவ கிராமத்தைச் சோ்ந்த கைராசன் மகன் ஜோசப் பிராங்க்ளின் (46) என்பவரது மொ்சிடஸ் என்ற படகில் இவருடன் அப்பகுதியைச் சோ்ந்த மேலும் 10 மீனவா்கள் ஏப்ரல் 9 ஆம் தேதி தேங்காய்ப்பட்டினம் துறைமுகப் பகுதியிலிருந்து ஆழ்கடலுக்கு மீன்பிடிக்கச் சென்றனா்.

    ஏப்ரல் 24 ஆம் தேதி இதே வள்ளவிளை கிராமத்தைச் சோ்ந்த மீனவா்கள் பெரியநாயகி என்ற படகில் மீன்பிடித்துக் கொண்டிருந்தபோது மொ்சிடஸ் படகின் வீல் ஹவுஸ் பகுதி சேதமடைந்து மூழ்கிய நிலையிலிருப்பதையும் ,அதிலிருந்த 11 மீனவா்கள் மாயமாகியுள்ளதையும், விசைப்படகுடன் சென்றிருந்த 2 வள்ளங்களில் ஒரு வள்ளம் சேதமடைந்த நிலையிலிருப்பதாகவும், மற்றொரு வள்ளத்தை காணவில்லை எனவும் மீனவா்களின் உறவினா்களுக்கு தகவல் தெரிவித்துள்ளனா்.

    இதையறிந்த மீனவா்களின் உறவினா்கள் எனக்கு (சா்வதேச மீனவா் வளா்ச்சி அறக்கட்டளை) விவரத்தை தெரிவித்தனா். இதையடுத்து, இம்மீனவா்களை விரைந்து மீட்க தேவையான நடவடிக்கைகளை எடுக்கக் கோரி சா்வதேச மீனவா் வளா்ச்சி அறக்கட்டளை சாா்பில் உயா் அதிகாரிகளுக்கு வேண்டுகோள் வைக்கப்பட்டது.

    இந்நிலையில், மாயமான 11 மீனவா்களும் தங்களது படகில் கரைக்கு வந்து கொண்டிருப்பதாக படகு உரிமையாளரின் உறவினா்கள் தகவல் தெரிவித்துள்ளனா்.

    இந்நிலையில் மிகவும் போராடி, உள்ளத்தாலும், உடலாலும் மிகவும் சோா்வடைந்த நிலையில் கடினமான பயணத்தின்மூலம் கரைக்கு வந்து கொண்டிருக்கும் இந்த 11 மீனவா்களுக்கும் தேவைப்படுமாயின் தரமான மருத்துவ சிகிச்சை அளிக்க மாவட்ட நிா்வாகம் நடவடிக்கை எடுக்க வேண்டுமென கேட்டுக் கொள்கிறேன் என அதில் தெரிவிக்கப்பட்டுள்ளது.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    kattana sevai
    ->
    flipboard facebook twitter whatsapp