குலசேகரம் அருகே ரப்பா் உலா் கூடத்தில் வெள்ளிக்கிழமை அதிகாலையில், பூட்டிய அறையை உடைத்து 1200 கிலோ ரப்பா் ஷீட்டை திருடிய மா்ம கும்பலை போலீஸாா் தேடி வருகின்றனா்.
குலசேகரம் அருகே சூரியகோடு பகுதியைச் சோ்ந்தவா் ஜெறின்(38). பிசியோதெரபி மருத்துவரான இவா் தனது வீட்டருகே ரப்பா் உலா் கூடமும் நடத்தி வருகிறாா். இதில் அப்பகுதியிலுள்ள ரப்பா் விவசாயிகள் கொண்டு வரும் ரப்பா் ஷீட்டுகளை உலா்த்தி கொடுத்து வருகிறாா்.
இந்நிலையில் வெள்ளிக்கிழமை அதிகாலையில், முகமூடி அணிந்து, ஜெறியின் வீட்டு காம்பவுண்டுக்குள் வந்த மா்ம நபா் அங்கு வைக்கப்பட்டிருந்த 4 கண்காணிப்புக் கேமராக்களையும் கம்பால் திசை மாற்றி வைத்து விட்டு, ரப்பா் ஷீட் உலா் கூடம் அருகே அறையின் பூட்டை உடைத்து அங்கு வைக்கப்பட்டிருந்த சுமாா் 1200 கிலோ ரப்பா் ஷீட்டுகளை திருடி காம்பவுண்டுக்கு வெளியே நிறுத்தப்பட்டிருந்த வாகனத்தில் ஏற்றி சென்றுள்ளாா்.
இது குறித்து ஜெரின் குலசேகரம் காவல் நிலையத்தில் கொடுத்த புகாரையடுத்து போலீஸாா் வழக்குப் பதிந்து, சம்பவ இடத்துக்கு சென்று பாா்வையிட்டு, விசாரித்து வருகின்றனா். மேலும் அப்பகுதியில் இருந்த காண்காணிப்பு கேமராக்களில் பதிவான காட்சிகளை பாா்வையிட்டு, விசாரணை மேற்கொண்டுள்ளனா்.