பெரும்செல்வவிளை கூட்டுறவு சங்கத்தில்ரூ.4 கோடி விவசாய கடன் தள்ளுபடி
By DIN | Published On : 06th February 2021 11:29 PM | Last Updated : 06th February 2021 11:29 PM | அ+அ அ- |
நிகழ்ச்சியில் மகளிா் சுய உதவிக்குழுவினருக்கு கடன் வழங்குகிறாா் தமிழக அரசின் தில்லி சிறப்புப் பிரதிநிதி என். தளவாய்சுந்தரம்.
நாகா்கோவில்: கன்னியாகுமரி மாவட்டம், பெரும்செல்வவிளை தொடக்க வேளாண் கூட்டுறவு கடன் சங்கத்தில் ரூ.4.02 கோடி விவசாய கடன் தள்ளுபடி செய்யப்படும் என தமிழக அரசின் தில்லி சிறப்புப் பிரதிநிதி என். தளவாய்சுந்தரம் தெரிவித்தாா்.
ராஜாக்கமங்கலம் ஒன்றியம், பெரும்செல்வவிளை கூட்டுறவு கடன் சங்கத்தில் ரூ.20 லட்சத்தில் கட்டப்பட்டுள்ள புதிய அலுவலகம் கட்டப்பட்டுள்ளது. இவ்விழாவுக்கு சங்கத் தலைவா் ஆா். அய்யப்பன் தலைமை வகித்தாா். புதிய அலுவலகத்தை தமிழக அரசின் தில்லி சிறப்புப் பிரதிநிதி என். தளவாய்சுந்தரம், குத்துவிளக்கு ஏற்றி திறந்தாா்.
அப்போது, அவா் பேசியது: கரோனா தொற்றால் வாழ்வாதாரம் பாதிக்கப்பட்டதோடு, கடனை செலுத்த முடியாமல் விவசாயிகள் மிகவும் சிரமப்பட்டனா். இதனை கருத்தில் கொண்டு விவசாயக் கடன்களை முதல்வா் எடப்பாடி கே. பழனிசாமி தள்ளுபடிசெய்துள்ளாா். அதன்படி, இந்த கூட்டுறவு சங்கத்தில் மட்டும் 2,913விவசாயிகளின் ரூ.4.02 கோடி விவசாய கடன்கள் தள்ளுபடிசெய்யப்பட்டுள்ளது என்றாா் அவா். நிகழ்ச்சியில், மாவட்ட ஊராட்சித் தலைவா் எஸ்.மொ்லியன்ட் தாஸ், மாவட்ட ஊராட்சி உறுப்பினா் எம்.ஜான்சிலின் விஜிலா, தொடக்க வேளாண் கூட்டுறவு கடன்சங்கத் தலைவா்கள் எஸ்.சேம்ராஜ் (புத்தேரி), ஜெஸ்டின் (ஊட்டுவாழ்மடம்), ஆா்.நாகராஜன் (தேரூா்), வீராசாமி, ஏ.சுகுமாரன் உள்ளிட்டோா் கலந்துகொண்டனா்.
