கன்னியாகுமரி மாவட்டத்தில் வேளாண், தோட்டக்கலைத் துறை சாா்பில் செயல்படுத்தப்பட்டுள்ள திட்டப்பணிகள் குறித்து ஆட்சியா் மா.அரவிந்த் வியாழக்கிழமை ஆய்வு செய்தாா்.
தோவாளை வட்டாரத்தில் பிரதமரின் பயிா்க் காப்பீடு திட்டத்தின்கீழ் இறச்சகுளம் கிராமத்தில் விவசாயி வன்னியபெருமாள்
வயலில் நெல் அறுவடை திடலை ஆட்சியா் மா. அரவிந்த் பாா்வையிட்டாா். தொடா்ந்து, திருப்பதிசாரம் வேளாண் அறிவியல் நிலையப் பணிகள், அங்குள்ள சிப்பி காளான் விதை உற்பத்திக் கூடம், உணவு காளான் உற்பத்திக் கூடம் ஆகியவற்றை பாா்வையிட்டு, அங்கு உற்பத்தி செய்யப்படும் பொருள்கள் தரமானதாக உள்ளதா என்பது குறித்து துறை அலுவலா்களிடம் கேட்டறிந்தாா்.
நெல் வயல்களில் ஒருங்கிணைந்த பயிா் பாதுகாப்பு முறைகளில் குருத்துப்பூச்சிக்கான இனக்கவா்ச்சிப் பொறி, உளுந்து வரப்பு பயிா், செண்பகராமன்புதூா் கிராமத்தில் தேசிய தோட்டக்கலை இயக்க திட்டத்தின் சாா்பில் விவசாயி சுந்தரம் வயலில்
அமைக்கப்பட்டுள்ள வீரிய ரக வெண்டை பரப்பு விரிவாக்க திடல் ஆகியவற்றை ஆய்வு மேற்கொண்டாா்.
ஆரல்வாய்மொழியில் நுண்ணீா் பாசனத் திட்டம், துணை நிலை நீா் மேலாண்மை திட்டம் செயல்படுத்தப்பட்ட திடல் மற்றும் ஒருங்கிணைந்த பண்ணையம் திட்டத்தின்கீழ் நாட்டு பசு மாடு, மண்புழு உரக் கூடம், வாழை பயிா், ஆடு, நாட்டு கோழி, தேனீ பெட்டிகள் அமைத்தல் ஆகியவற்றை ஆய்வு மேற்கொண்டாா்.
விவசாயிகளுக்கு தேவையான கடனுதவிகள் உள்ளிட்ட வேளாண்மை மற்றும் தோட்டக்கலைத் துறையின் சாா்பில், மத்திய, மாநில அரசால் வழங்கப்பட்டு வரும் நலத்திட்டங்கள் விவசாயிகளுக்கு கிடைக்குமாறு அதிகாரிகளை ஆட்சியா் கேட்டுக் கொண்டாா்.
ஆய்வின் போது, ஆட்சியரின் நோ்முக உதவியாளா் (வேளாண்) எம்.ஆா். வாணி, தோட்டக்கலை துணை இயக்குநா் ஒய்.ஷீலா ஜான், உதவி இயக்குநா் ஆறுமுகம், திருப்பதிசாரம் வேளாண் அறிவியல் நிலைய திட்ட ஒருங்கிணைப்பாளா்கள் சுதாமதி, கவிதா, தோவாளை வட்டார துணை வேளாண் அலுவலா் கணபதிசாமி, களப்பணியாளா்கள், விவசாயிகள் கலந்து கொண்டனா்.